ইয়োব 10:1 - Chakma Bible

¹ মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 10:1 ပူးပေါင်းရင်းမြစ်များ

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

ইয়োব 14:13

আহ্‌, তুই যুনি মরে শবাশালত্‌ লুগেই রাগেদে, তর্‌ রাগ্‌কান লামি ন-যানা সং লুগেই রাগেদে, সে পরেদি মত্তেই এক্কান্‌ সময় ঠিগ্‌ গুরিনে আরঅ মরে মনত্‌ তুলিদে!

ইয়োব 19:4

যুনি হামাক্কাই মুই ভান্ন্যেই পধেদি যেই থাং, সালে সিয়েনর্ ফল দঅ মর্‌ গায় গায় পাওনা।

ইয়োব 5:20

ভাদ রাদর্‌ অক্তত্‌ তে তরে মরণত্তুন্‌ রোক্ষ্যে গুরিবো, আর যুদ্ধোর্‌ সময় রোক্ষ্যে গুরিবো তলোয়ারর্‌ আঘাদত্তুন্‌।

ইয়োব 6:26

মঅ কধাত্‌ কি তুমি দুজ্‌ ধুরিবাত্তে চর্‌? তুমি দঅ মন্‌মরা ওইয়্যে মান্‌জ্যর কধানি বোইয়্যের ধোক্ক্যেন্ মনে গরর্‌।

ইয়োব 7:11

সেনত্তে মুই আর্‌ জুরো গুরি ন-থেম্‌। মঅ মনত্‌ দুঘ্‌খো গুরিনে মুই কধা কোম্‌; মঅ তিদে পরাণে মুই তইদু দুঘ্‌খানি ফগদাঙ্‌ গুরিম্‌।

ইয়োব 7:16

মঅ পরাণানরে মুই ঘিনাং; মুই দঅ উমরত্যে বাঁজি থেবাত্তে ন-চাং। মরে ইরি দুয়ো; মঅ আয়ুগান দঅ বেশ্‌ নয়।

ইয়োব 9:21

মুই নিদ্দুযি, মাত্তর্‌ সিয়েন্দোই মর্‌ কি অয়? মর্‌ নিজো জিংকানিগানরে মুই ঘিনাঙ্‌।

যিশাইয় 38:15

মাত্তর্ মুই কি কোম্? তে মঅ লগে কধা কোইয়্যে আর নিজে ইয়েন গোজ্যে। মঅ পরাণর এ দুঘ্‌কানত্তে মুই জিংকানির বাদবাগি বেক্ বজরুন নম্র ওইনে চুলিম।‌‍‌‌‌‌

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

যোনা 4:8

যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

গণাণা 11:15

তুই যুনি মর্‌ অবস্থাগান এধোক্ক্যেন গরচ্‌ সালে ইক্কুনি তুই মরে মারে ফেলা। যুনি মুই তর্‌ দোয়্যে পেই থাং সালে নিজোর্‌ চোগেদি মর্‌ নিজোর্‌ দজাগান মরে দেগিবাত্তে ন-দিস্‌।”