ইয়োব 1:8 - Chakma Bible

⁸ লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

ইয়োব 1:8 ပူးပေါင်းရင်းမြစ်များ

২ রাজাবলী 23:25

তে তার্‌ বেক্‌ মনান, পরাণান আর বলান্‌দোই মোশির বেক্‌ রীদি-সুদোম মজিম লগেপ্রভুর পধেন্দি আদিদো। তা আগেন্দি বা পরেন্দি আর কনঅ রাজা তা ধোক্ক্যেন ন-এলাক্‌।

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 12:4

মুই গোজেনরে ডাগিদুঙ্‌ আর তে মরে জোব্‌ দিদো, তো মঅ সমাজ্যেগুনো ইদু মুই এক্কো আজিবার্‌ মানুচ্‌ ওইয়োং; গম্‌ আর নিদ্দুযি অলেয়ো মুই ইক্কিনে আজিবার্‌ মানুচ্‌ বাদে আর কিচ্ছু নয়।

ইয়োব 2:1

আর একদিন্যে স্বর্গদূত্‌তুনে লগেপ্রভুর মুজুঙোত্‌ যেইনে লুমিলাক্‌, আর শদান্‌নোয়ো তা মুজুঙোত্‌ আঝিল্ অবাত্তে স্বর্গদূত্‌তুনোর্‌ সমারে এলঅ।

ইয়োব 2:3

সেক্কে লগেপ্রভু শদান্‌নোরে কলঅ, “মঅ‌ চাগর্‌ ইয়োব ইন্দি কি তুই রিনি চেইয়োচ্‌? পিত্‌থিমীত তা ধোক্ক্যেন্ আর কনজন নেই। তে নিদ্দুজি আর গম্‌। তে মরে ভোক্তি গুরিনে দরায় আর ভান্ন্যেইয়ত্তুন্‌ দূরোত্‌ থায়। যুনিয়ো তে এনেবাদে তারে নাশ গুরিবাত্তে মরে উচ্ছোমি তুলি দিয়্যে তো তে এজঅ‌ কনঅ দুজ্‌ ন-গরে।”

ইয়োব 34:14

যুনি তে তা নিজোর কধা মনে গুরিদো আর তা আত্মাগান আহ্ নিজেস্‌চো নিজো ইদু ফিরেই নেযেদ,

ইয়োব 8:20

“নিদ্দুযি মান্‌জ্যরে গোজেনে কনদিন্‌অ ছাড়ি ন-যায় বা যিগুনে বজঙ্‌ কাম্‌ গরন্‌ তারার্‌ আঢ্‌তানি নরম্‌ গরে।

গীতসংহিতা 18:23

তা মুজুঙোত্ মুই নিদ্দুযি এলুং; মুই পাপত্তুন দূরোত্ থেইয়োং।

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 36:1

পাজিগুনোর দুষোর্ পৌইদ্যেনে মঅ মনানে গোজেনর্ এ বাণীগান পেইয়্যে, “পাজিগুনে গোজেনরে ন-দরান্।”

গীতসংহিতা 37:27

ভান্ন্যেয়ানি ছাড়ি দুয়ো আর গম্ কাম গরঅ, সেক্কে জিংকানিবর্ বাঁজি থেবে।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 89:20

মর্ চাগর দায়ূদোরে মুই তোগেইনে পেয়োং; মর্ সুদ্ধো-সাংগ তেল্‌লোই তারে অভিষেগ্ গোজ্যং।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

গণাণা 12:3

আসলে মোশি এলদে এক্কো সিদে মানুচ্‌, পিত্‌থিমীর্‌ যে কনঅ মান্‌জ্যত্তুন্‌ বেশ্‌ সিদে।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

যিহোশূয় 1:2

মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।