ইয়োব 1:16 - Chakma Bible

¹⁶ মানুচ্চো সেক্কেয়ো কধা কর্‌ এন সময়োত্‌ আর এক্কো এইনে হবর্‌ দিলো, “আগাজত্তুন্‌ গোজেনর আগুন পড়িনে তঅ‌ ভেড়াপালুনোরে আর চাগরুনোরে পুড়ি ফেলেয়্যে। তরে হবর্‌ দিবাত্তে বানা মুই রোক্ষ্যে পেইয়োং।”

ইয়োব 1:16 ပူးပေါင်းရင်းမြစ်များ

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

১ রাজাবলী 18:38

সেক্কে উগুরেত্তুন্‌ লগেপ্রভুর আগুনান্‌ পড়িনে উৎসর্বর য়েরানি, তক্তানি, পাত্তরুন আর মাদিগানরে পুড়ি ফেলেল আর নাল্লোর্‌ পানিগানঅ শুজি নিলো।

২ রাজাবলী 1:10

জোবত্‌ এলিয় সে সেনাপতিবোরে কলঅ, “মুই যুনি গোজেন মানুচ্‌ অং সালে আগাজত্তুন্‌ আগুন্‌ লামি এইনে যেনে তরে আর তর্‌ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ আগুন্‌ পড়িনে সে সেনাপতি আর তার পঞ্চাশজন সৈন্যরে পুড়ি ফেলেল।

২ রাজাবলী 1:12

জোবত্‌ এলিয় কলঅ, “মুই যুনি গোজেন মানুচ্‌ অং সালে আগাজত্তুন্‌ লামি এইনে যেনে তরে আহ্ তঅ পঞ্চাশজন সৈন্যরে পুড়ি ফেলায়।” সেক্কে আগাজত্তুন্‌ গোজেন আগুনান্‌ পুড়িনে তারে আর তাহ্ পঞ্চাশজন সৈন্যরে পুড়ি ফেলেল।

২ রাজাবলী 1:14

চাহ্, আগাজত্তুন্‌ আগুন পড়িনে পত্তম্‌ দ্বিজন সেনাপতি আর তারার্‌ বেক্‌ সৈন্যগুন পুড়ি গেলাক্। মাত্তর্‌ এবেরা তুই মঅ পরাণান্‌ রোক্ষ্যে গর্‌।”

গীতসংহিতা 45:3

ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

লেবীয় 10:2

ইয়েনত্তে লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল, আর তারা লগেপ্রভুর্ মুজুঙোত্ মুরি গেলাক্।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

ফগদাং পেইয়্যে 13:13

তে দাঙর্ দাঙর্ আমক্ কাম গরা ধুরিলো, এন্ কি, মানুচ্চুনোর চোগো মুজুঙোত্ আগাজত্তুন্ পিত্‌থিমীত্ আগুনান্ লামেই আনিলো।

১ শমূয়েল 14:15

ইয়েনর্ কারণে পলেষ্টীয়গুনোর যুদ্ধোর মাদর্‌ তাম্বুলোত্‌ আর বেক্‌ সৈন্যগুনো ভিদিরে এক্কান দর্‌বুক দেগা দিলো; এন্‌ কি, তারার মিক্‌মসর তাম্বুলোত্‌ আর আর্মিগুনেয়ো দরে গির্‌গিরা ধুরিলাক্, আর সেই লগে ভূজোল্অ বেলঅ। সেই অমহদ দরান্‌ গোজেনর ইত্তুন্‌ এচ্চ্যে।