ইয়োব 1:12 - Chakma Bible

¹² সেক্কে লগেপ্রভু শদান্‌নোরে কলঅ, “ঠিগ্‌ আঘে; তার্‌ যিয়েনি আঘে সিয়েনি তঅ আঢত্‌ দিলুঙ্‌, মাত্তর্‌ তা কিয়্যেগান উগুরে তুই এক্কো আঙুল ন-বাজেবে।” সেক্কে শদান্‌নো লগেপ্রভুর মুজুঙোত্তুন্‌ নিগিলি গেলগোই।

ইয়োব 1:12 ပူးပေါင်းရင်းမြစ်များ

পত্থম 16:6

জোবত্‌ অব্রামে সারীরে কলঅ, “চাহ্‌, তঅ চাগরানীবো দঅ তঅ আদত্ আঘে। তর্‌ যিয়েন্‌ গম্‌ বিলিনে মনে অয়্‌ তা উগুরে তুই সিয়েন্‌ গর্‌।” সেক্কে সারী হাগার উগুরে এন্‌ চিৎ-নপুজ্যে বেবহার গরা ধুরিলো, হাগারে তা কায়-কুরেত্তুন্‌ ধেই গেলঅ।

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

১ রাজাবলী 22:23

ইয়েনত্তে লগেপ্রভু ইক্কিনে তর্‌ এই বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মাগান দুয়োচ্‌। তর্‌ নাশ অবাত্তে লগেপ্রভু রায়য়ান্‌ দিয়্যে।”

২ বংশধর 18:21

তে কলঅ, ‘মুই যেইনে তার্‌ বেক্‌ ভাববাদীগুনো মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুয়ই তারে ভুলেবালাই নেযে পারিবে। তুই যেইনে সিয়েন গর্‌।’

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

ইয়োব 1:13

একদিন্যে ইয়োবর্‌ ঝি-পুঅগুনে দাঙর্‌ ভেইবোর ঘরত্‌ হানা-দানা গত্তন্‌ আর আংগুর-রস খাদন্‌।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিরমিয় 38:5

জোবত্ রাজা সিদিকিয় কলঅ, “তে দঅ তমা আঢত্ রোইয়্যে; রাজা তমা বিরুদ্ধে যেই ন-পারে।”

লূকে লেখ্যে গম্ হবর্ 12:23

জিংকানিয়ান্ বানা হানা-দানার্ বেপার নয়, আর কিয়্যেগান্ বানা কাবর-চুগরর্ বেপার নয়।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।