ইয়োব 1:10 - Chakma Bible

¹⁰ তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

ইয়োব 1:10 ပူးပေါင်းရင်းမြစ်များ

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 30:30

মুই এবার্‌ আগেদি তমা য়েমান সোম্বোত্তি বেশ্‌ ন-এলাক, মাত্তর্‌ ইক্কুনি দঅ বাড়িনে বোউত্‌ বেশ্‌ ওইয়োন। মুই যিয়েনত্ টেং ফেলেয়োং সিয়েনত্ লগেপ্রভু তমারে আশিদ্‌বাদ্‌ গোজ্যে। মাত্তর্‌ ইক্কুনি মর্‌ নিজোর্‌ পরিবার কধা ভাবিবার্‌ সময় ওইয়্যে।”

পত্থম 30:43

যাকোবে ইঙিরিনে অমকদ থাগোয়্যে অলঅ। তা য়েমানপালুন, উট, গাধা আর চাগর-চাগরানীগুন জনেদি বোউত্‌ বাড়িলাক্‌।

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

ইয়োব 29:2

আহা, গোজেনে যেক্কে মরে দেগাশুনো গুরিদো সেই সময়োর্ মাস আর দিনুন্ যুনি মুই ফিরি পেদুং!

ইয়োব 29:6

মর্ জিংকানি-পথ্‌তান্ সুগেই এলঅ, আর মত্তেই সিলোত্তুন্ জলপাই-তেলর গঙার্ বদহ্।

ইয়োব 31:25

মঅ নিজো আঢ্‌তোই যে সোম্বোত্তিগানি মুই পেইয়োং সে সোম্বোত্তি গানিলোই যুনি মুই রঙ্গ ফুত্তি গুরি থাং,

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 34:7

যিগুনে লগেপ্রভুরে ভোক্তি গরন্ লগেপ্রভুর্ দূত্‌তুনে তারার্ চেরোকিত্তে তাম্বুল্ ফেলান্ আর তারারে রোক্ষ্যে গরন্।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 71:21

মুই চাং তুই যেনে মঅ সর্মানান বাড়েই দুয়োচ্, আরঅ মরে সুগ-শান্দি দুয়োচ্।

গীতসংহিতা 80:12

কিত্তে তার রোক্ষ্যে-দেবালান্ তুই ভাঙি দিলে, যিয়েনত্যে যিগুনে তা কায়-কুরেন্দি যান তারা সেই গুলোগুন ছিনোন্?

গীতসংহিতা 90:17

আমা প্রভু গোজেনর দোয়্যে আমা উগুরে থোক্; আমা বেক্ কামানি তুই ফোলেই দে, অয়, আমা বেক্ কামানিত্ তুই ভালেদি দান গর্।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

যিশাইয় 5:2

তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

দ্বি’লম্বর বিররণ 33:11

ও লগেপ্রভু, তুই তার সোম্বোত্তিত্‌ আশিদ্‌বাদ গর্‌, তার বেক কামানিত্‌ তুই খুজি অ। তুই তার শত্রুর কমরুন ভাঙি দে; যিগুনে তারে ঘিনান্‌ তারার কমরুন ভাঙি দে, যেনে তারা আর থিয়্যেই ন-পারন।”

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ শমূয়েল 25:16

আমি যেদকদিন সং তারা ইদু ভেড়া চোড়েইয়্যেই সেদকদিন সং দিন রেত তারা আমার চেরোকিত্তে রোক্ষ্যে দেবাল ধোক্ক্যেন্‌ এলাক্।