যোহন 9:39 - Chakma Bible

³⁹ যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

যোহন 9:39 ပူးပေါင်းရင်းမြစ်များ

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 44:18

সেই মানুচ্চুনে কিচ্চু হবর্‌অ ন-পান্, নয়ো বুঝোন্। তারার্ চোগ্‌কুন বন্ধ বিলিনে তারা ন-দেগন্ আর মনানি বন্ধ বিলিনে তারা নয়ো-বুঝোন্।‍

যিশাইয় 6:9

তে কলঅ, “তুই যেইনে এ মানুচ্চুনোরে কঅ, ‘তুমি শুনোদে থাগঅ মাত্তর্ ন-বুঝ্‌ছো, রিনি চেই থাগঅ মাত্তর্ হবর্ ন-পেয়ো।’ ” ‌‌‌

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 15:14

তারাত্যে চিদে ন-গোজ্জ্য! তারা দঅ কান্ মানুচ্চুনোর কানা নেতা; কান্ মান্‌জ্যে কানরে পথ্ দেগেবাত্তে গেলে দ্বি'জনে গাঢত্ পড়ন্।”

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

লূকে লেখ্যে গম্ হবর্ 13:30

যিগুনে ইক্কিনে বেগ যেরেদি আগন্ সিগুনোত্তুন্ পত্তম্ অবাক্, আর যিগুনে ইক্কিনে পত্তম্ আঘন্ সিগুনোত্তুন্ বেগ যেরেদি পড়িবাক্।

লূকে লেখ্যে গম্ হবর্ 2:34

ইয়েনর্ পরেদি শিমিয়োনে তারারে বর্ দিলো আর যীশুর মাবো মরিয়মররে কলঅ, “গোজেনে ইয়েন ঠিগ্ গোজ্যেদে যে, এ চিজিবোত্তে ইস্রায়েলীয়গুনো ভিদিরে ভালোক্ জনে তলাত্ পড়িবাক্, আরঅ ভালোক্ জনে উদ্ধোর্ পেবাক্। ইবে এমন্ এক্কো চিহ্নো অবঅ যিবের্ বিরুদ্ধে ভালোক্‌জনে কধা কবাক্,

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

লূকে লেখ্যে গম্ হবর্ 7:21

সেক্কে যীশু বোউত্ মান্‌জ্যরে পীড়েত্তুন্ আর অমকদ যন্ত্রণাত্তুন্ গম্ গুরিলো আর ভান্ন্যেই আত্মায় পেইয়্যে মানুচ্চুনোরে গম্ গুরিলো আর বোউত্ কান্ মান্‌জ্যরেয়ো দেগিবার্ খেমতা দিলো।

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

যোহন 8:15

মান্‌জ্যে যেবাবোত্যেগুরি বিচের্ গরন্ তুমি সেবাবোত্যেগুরি বিচের্ গুরি থাগঅ, মাত্তর্ মুই কারঅ বিচের্ ন-গরং।

যোহন 9:25

তে জোব্ দিলো, “তে পাপী না কি সিয়েন্ মুই কোই ন-পারং; মাত্তর্ এক্কান বেপার কোই পারং যে, আগেদি মুই কানা এলুং আর ইক্কিনে মুই দেগঙর্।”

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।