যোহন 9:31 - Chakma Bible

³¹ আমি হবর্ পেই গোজেনে পাপীগুনো কধা ন-শুনে। মাত্তর্ যুনি কনঅ মানুচ্ গোজেন-ভক্ত অয় আর তার আওজ্-মজিম্ কাম্ গরে সালে গোজেনে তা কধা শুনে।

যোহন 9:31 ပူးပေါင်းရင်းမြစ်များ

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

পত্থম 20:7

ইক্কিনে তুই তারে তা নেক্কো ইধু ফিরেই দে। মানুচ্চো এক্কো ভাববাদী। তে তত্তেই তবনা গুরিবো, আর সেক্কে তঅ পরাণান্‌ রোক্ষ্যে পেবঅ। মাত্তর্‌ যুদি তারে ফিরেই ন-দুয়োচ্‌, সালে মনত্ রাগেচ্‌, তুই আর তঅ মানুচ্চুনে মরন আঢত্তুন্‌ রেহাই ন-পেবাক্।”

ইয়োব 35:12

মানুচ্চুনে যেক্কে কানন্ সেক্কে তে জোব্ ন-দে, কিত্যে তারা বাড়্‌‌বো আর পাজি।

ইয়োব 35:13

তারার তবনালোই কনঅ লাভ ন-অয়, কিত্যে গোজেনে সিয়েন ন-শুনে; বেগত্তুন খেমতাবলা গোজেনে সিয়েন কনঅ মনযোগ্ ন-দে।

ইয়োব 42:8

সেনত্তে ইক্কিনে সাত্তো বলদ আর সাত্তো ভেড়া লোইনে মর্ চাগর্ ইয়োব ইদু যাহ্ আর নিজোত্তে পূজ্যে-উৎসর্বর অনুষ্ঠানান গর্। মর্ চাগর ইয়োবে তমাত্তে তবনা গুরিবো আর মুই সিয়েন মানি লোম, তমার্ বেদমা কাম মজিম্ ফল ন-দিম। মর্ চাগর ইয়োবে যেধোক্ক্যেন মঅ পৌইদ্যেনে ঠিগ্ কধা কোইয়্যে তুমি সেধোক্ক্যেন ন-কঅ।”

গীতসংহিতা 106:23

সেনত্তে গোজেনে কলঅ তারারে দুনিয়েত্তুন উদেই দিম্; তে সিয়েনোই গুরিদো মাত্তর্ তার বেঈ লোইয়্যে মানুচ্ মোশি তারে মানা গুরিলো, তে যেন তারারে শেজ্ গরানার আদত্তুন্ রাগ্‌কান ফিরেই পারে।

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

গীতসংহিতা 145:19

যিগুনে তারে ভোক্তিগুরিনে দরান্ তারার মন আওজ্‌চানি তে পুরেই দে; সাহায্যত্তে তারার কানানিগানি শুনিনে তে তারারে রোক্ক্যে গরে।

গীতসংহিতা 18:41

তারা বল্ পেবাত্তে রঅ ছাড়দন্, মাত্তর্ কনজনে তারারে রোক্ষ্যে গুরিবাত্তে ন-এজন্। তারা লগেপ্রভু ইদু রঅ ছাড়দন্, মাত্তর্ তেয়ো তারারে জোব্ ন-দে।

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

গম্ উপদেজ্ 15:29

লগেপ্রভু পাজিগুনোত্তুন্ দূরোত্ থায়, মাত্তর্ তে গোজেন ভক্তগুনোর্ তবনাগানি শুনে।

গম্ উপদেজ্ 21:13

যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 58:9

সেক্কে তুমি তবনা গুরিলে মুই জোব্ দিম; তুমি সাহায্যত্তে ডাগিলে মুই কোম্, এইয়্যে দঅ মুই। যুনি তুমি তমাত্তুন্ অত্যেচারীগুনোর জুঙোলানি, ঠাট্টা মজ্‌‍‌কারি আর ইংসেমুলক্ কধাবাত্তানি ছাড়ি দুয়ো,

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

মীখা 3:4

সময় এজের্ যেক্কে তুমি লগেপ্রভু ইধু কানাকুদি গুরিবা, মাত্তর্ তে তমারে জোব্ ন-দিবো। সে অক্তত্ তে তমাত্তুন্ নিজো মুয়োন্ ফিরেই রাগেব, কিত্যে তুমি ভান্ন্যেই কাম গোজ্য।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

যোহন 11:22

মাত্তর্ মুই কোই পারং, তুই এজঅ গোজেন ইধু যিয়েন্ চেবে গোজেনে সিয়েন্ তরে দিবো।”

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

যোহন 9:30

সেক্কে সে মানুচ্চো তারারে জোব্ দিলো, “কি আমক্ অবার্ কধা! তুমি কোই ন-পারঅ তে কুত্তুন্ এচ্চ্যে অদচ তেয়ই মঅ চোগ্‌কুন্ মেলি দিয়্যে।

যোহন 9:32

পিত্‌থিমী সৃট্টির্ পরেত্তুন্ ধুরিনে কনদিন্অ শুনো ন-যায়, জর্মত্তুন্ ধুরি কানা এমন্‌ কনঅ মান্‌জ্যর্ চোগ্ কেঅ মেলি দিয়্যে।

দ্বি’লম্বর বিররণ 1:45

তুমি ফিরি এইনে লগেপ্রভু ইদু কানিলা, মাত্তর্‌ তে তমার্‌ কাঁনানিগানি ন শুনিলো; তে কানান্‌ ঢিবেই দি রাগেল।

ইব্রীয় 10:7

যেরেদি মুই কলুং, ‘এইয়্যে দঅ, মুই এচ্চ্যং; বোইবোত্ মর্ এজানা পৌইদ্যেনে লেঘা আঘে। ও গোজেন, তর্ আওজ্‌‌চান পালেবাত্যে মুই এচ্চ্যং।’ ”