যোহন 9:25 - Chakma Bible

²⁵ তে জোব্ দিলো, “তে পাপী না কি সিয়েন্ মুই কোই ন-পারং; মাত্তর্ এক্কান বেপার কোই পারং যে, আগেদি মুই কানা এলুং আর ইক্কিনে মুই দেগঙর্।”

যোহন 9:25 ပူးပေါင်းရင်းမြစ်များ

যোহন 5:11

সেক্কে তে সেই নেতাগুনোরে কলঅ, “মাত্তর্ যে মরে গম্ গোজ্যে তেয়ই মরে কোইয়্যেদে, ‘তঅ বিচ্ছোনান্ তুলি লোইনে আঢি বেড়া।’ ”

যোহন 9:24

যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

যোহন 9:26

নেতাগুনে কলাক্, “তে তরে কি গোজ্যে? কেধোক্ক্যেন্ গুরিনে তে তঅ চোগ্‌কুন্ মেলি দিয়্যে?”

যোহন 9:30

সেক্কে সে মানুচ্চো তারারে জোব্ দিলো, “কি আমক্ অবার্ কধা! তুমি কোই ন-পারঅ তে কুত্তুন্ এচ্চ্যে অদচ তেয়ই মঅ চোগ্‌কুন্ মেলি দিয়্যে।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।