যোহন 9:24 - Chakma Bible

²⁴ যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

যোহন 9:24 ပူးပေါင်းရင်းမြစ်များ

ইষ্রা 10:11

ইক্কিন তুমি তমার্ পূরোণি মানুচ্চুনোর গোজেন লগেপ্রভু ইধু পাপ স্বীগের গুরিনে তার্ আওজ্ মজিম কাম গরঅ। তমা দেজত্ বজত্তিগুরিয়্যে মানুচ্চুনোর আর অন্য জাদর্ মিলেগুনোত্তুন্ নিজোরে যুদো গরঅ।”

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

মার্ক 15:27

তারা দ্বিজন ডাগেদরেয়ো যীশু লগে ক্রুশোত্ দিলাক্, একজনরে ডেনেদি আর অন্যজনরে বাঙেদি।

লূকে লেখ্যে গম্ হবর্ 15:2

ইয়েন্দোই ফরীশীগুনে আর ধর্ম মাষ্টরুনে ইয়েন কোইনে তোইচ্চ্যে পেইনে কুয়ো ধুরিলাক্, “এ মানুচ্চো বজং মানুচ্চুনো সমারে মিজেই আর হানা-দানা গরে।”

লূকে লেখ্যে গম্ হবর্ 19:7

ইয়েন্ দেগিনে বেক্কুনে ভুদুভুদু গুরিনে কলাক্, “তে এক্কো পাপী মান্‌‌‌‌জ্যর গর্বা অবাত্যে গেলঅ।”

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 18:30

যিহূদী নেতাগুনে কলাক্, “ইতে যুনি বজং কাম ন-গত্ত সালে আমি তারে তঅ ইধু ন-আনিদোং।”

যোহন 19:6

যীশুরে দেগিনে আজল্ ধর্মগুরুগুনে আর কামগুরিয়্যেগুনে রঅ ছাড়িনেই কলাক্, “ত্রুুশোত্ দুয়ো, তারে ত্রুুশোত্ দুয়ো।” পীলাতে মানুচ্চুনোরে কলঅ, “তুমি তারে নেযেইনে ত্রুুশোত্ দুয়ো, কিয়া মুই তার্ কনঅ দুষ্ ন-দেগঙর্।”

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

যোহন 8:46

তমাত্তুন্ কন্না মরে পাপী বিলিনে প্রমাণ গুরি পারঅ? যুনি মুই সত্য কধা কং সালে কিত্ত্যে তুমি মরে বিশ্বেজ্ ন-গরঅ?

যোহন 8:49

যীশু জোবত্ কলঅ, “মরে ভুদে ন-পায়। মুই মঅ বাবারে সর্মান গরং, মাত্তর্ তুমি মরে অসর্মান্ গরর্।

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

যোহন 9:25

তে জোব্ দিলো, “তে পাপী না কি সিয়েন্ মুই কোই ন-পারং; মাত্তর্ এক্কান বেপার কোই পারং যে, আগেদি মুই কানা এলুং আর ইক্কিনে মুই দেগঙর্।”

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।