যোহন 9:22 - Chakma Bible

²² তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

যোহন 9:22 ပူးပေါင်းရင်းမြစ်များ

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 57:11

“কারে তুই এদক্ দোরেয়োচ্ যিয়েনত্তে তুই মইদু মিজে কধা কোইয়োচ্, মরে ভুলি যেইয়োচ্ আর মঅ উগুরে অমনযোগি ওইয়োচ্? মুই ভালোক্ দিন ধুরি জুরো গুরি আগং, সেনত্তে কি তুই মরে ন-দরাচ্?

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 19:38

এ বেক্‌ ঘটনাগানির্ পরেদি অরিমাথিয়া আদামর্ যোষেফে যীশুর কিয়্যেগান্ নেযেবাত্যে পীলাত ইধু অনুমতি চেলঅ। যোষেফে এলঅ যীশুর্ গুমুরো শিচ্চ্য, কিয়া তে যিহূদী নেতাগুনোরে দোরেদ। পীলাতে অনুমতি দেনার্ পরেদি তে এইনে যীশুর্ কিয়্যেগান্ নেযেল।

যোহন 20:19

সেই একই দিনোত্, সাপ্তার্ পত্তম্ দিনোর্ সাজোন্ন্যে অক্তত্ শিচ্চ্যগুনে যিহূদী নেতাগুনোর্ দরে ঘরর্ বেক্‌ দুয়োরানি নাঢিনে এক্কান্ জাগাত্ এগত্তর্ ওইয়োন্। সেক্কে যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্।”

যোহন 7:13

মাত্তর্ যিহূদী নেতাগুনোর্ দরে খুলোমেলা গুরি কনজনে তা পৌইদ্যেনে কিচ্চু ন-কলাক্।

যোহন 9:18

মাত্তর্ যিহূদী নেতাগুনে মানুচ্চোর্ মা-বাবরে ডাগিনে পুযোর্ ন-গরানা সং বিশ্বেজ্‌ ন-গুরিলাক্, সে মানুচ্চো আগেদি কানা এলঅ আর ইক্কিনে দেগের্।

যোহন 9:21

মাত্তর্ কেধোক্ক্যেন্ গুরি তে ইক্কিনে দেগের্ সিয়েন্ আমি কোই ন-পারিই; আর কন্না যে তা চোগ্‌কুন্ মেলি দিয়্যে সিয়েন্-অ কোই ন-পারিই। তার বয়চ্ ওইয়ে, তারেই পুযোর্ গরঅ। তে নিজো পৌইদ্যেনে নিজেই হোক্।”

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

যোহন 9:35

যীশু শুনিলো যে, নেতাগুনে মানুচ্চোরে নিগিলেই দুয়োন্। জেরেদি তে সে মানুচ্চোরে তোগেই পেইনে কলঅ, “তুই কি মান্‌জ্যপুয়োবো উগুরে বিশ্বেজ্ গরচ্?”

প্রেরিত্‌ 4:18

ইয়েন্অ পরেদি তারা পিতর আর যোহনরে আরঅ ভিদিরে ডাগি আনিলাক্ আর উগুম্ দিলাক্ যেন তারা যীশু পৌইদ্যেনে আর কনঅ কধা ন-কন্ বা শিক্ষ্যে ন-দুয়োন।

প্রেরিত্‌ 5:13

যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”