যোহন 9:16 - Chakma Bible

¹⁶ সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

যোহন 9:16 ပူးပေါင်းရင်းမြစ်များ

মথি লেখ্যে গম্ হবর্ 12:10

সিয়েনত্ এক্কো মানুচ্ এলঅ যিবের্ এক্কান আঢ্ অবস্ এলঅ। কয়েক্কো মানুচ্ সিয়েনত্ এলাক্ যিগুনে যীশুরে ভান্ন্যেই কাম গরের্ বিলিনে দুষ্ দেদন, সেনত্যে তারে পুযোর্ গুরিলাক্, “জিরেবার দিনোত্ কাররে গম্ গরানা কি আমার রীতি সুদোম বিরুদ্ধে?”

মথি লেখ্যে গম্ হবর্ 12:2

যেক্কে ফরীশীগুনে সিয়েন দেগিলাক্ তারা যীশুরে কলাক্, “ধর্মর সুদোম্ মজিম্ জিরেবার দিনোত্ যিয়েন্ গরানা উচিত নয়, চাহ্, তঅ শিচ্চ্যগুনে সিয়েনই গত্তন্।”

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

যোহন 10:19

যীশুর্ এ কধাগানত্যে যিহূদীগুনো ভিদিরে আরঅ কধার্ অমিল্ দেগা দিলো।

যোহন 14:11

মঅ কধানি বিশ্বেজ্ গরঅ যে, মুই বাবা সমারে আঘং আর বাবা মঅ সমারে আঘে। সিয়েন্ ন-অলে অন্তত: মর্ এই বেক্‌ কামানিত্যে মঅ উগুরে বিশ্বেজ্ গরঅ।

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 5:10

ইয়েনত্তে যে মানুচ্চোরে গম্ গরা ওইয়্যে তারে যিহূদী নেতাগুনে কলাক্, “এচ্চ্যে জিরেবার্ দিন্; ধর্মর্ সুদোম্ মজিম্ পাদিবো তুলি লনা তর্ উজিত্ নয়।”

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 6:52

এ কধাগান্ শুনিনে যিহূদী নেতাগুনো ভিদিরে তর্কাতুর্কি আরাম্ভ অলঅ। তারা কুয়ো ধুরিলাক্, “কিবাবোত্যেগুরি এ মানুচ্চো তা কিয়্যেগান্ আমারে হেবাত্তে দি পারে?”

যোহন 7:12

ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

যোহন 7:23

ভারী গম্, মোশির সুদোমান্ ন-ভাঙিবাত্যে যুনি জিরেবার্ দিনোত্-অ পুয়োগুনোরে চুনু মাঢা কাবা যায়, সালে মুই জিরেবার্ দিনোত্ এক্কো মান্‌জ্যরে পুরোপুরি গম্ গোজ্যং বিলি তুমি মঅ উগুরে রাগ্ গরর্ কিত্ত্যে?

যোহন 7:43

এবাবোত্যে গুরি যীশুরে লোইনে মানুচ্চুনো ভিদিরে এক্কান্ কধার্ অমিল্ দেগা দিলো।

যোহন 9:24

যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

প্রেরিত্‌ 14:4

ইয়েন্দোই শঅর মানুচ্চুনে ভাগ্ ওই গেলাক্; কেঅ কেঅ যিহূদীগুনো পক্ষে, আরঅ কেঅ কেঅ দিপাধেয়্যেগুনো পক্ষে গেলাক্।