যোহন 8:54 - Chakma Bible

⁵⁴ জোবত্ যীশু কলঅ, “মুই যুনি নিজো বাঈনী নিজে গরং সালে সিয়েনর্ কন দাম্ নেই। মঅ বাবা, যিবেরে তুমি তমার্ গোজেন বিলিনে দাবী গরঅ তেয়ই মরে সর্মান দান্ গরে।

যোহন 8:54 ပူးပေါင်းရင်းမြစ်များ

গম্ উপদেজ্ 25:27

বেশ্ মধু হানা গম্ নয়; বাঈনী গরা হেবাত্তে চেরেস্‌‍তা গরানায়ো গম্ নয়।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

হোশেয় 1:9

সেক্কে লগেপ্রভু কলঅ, তুই তা নাঙান্ লো-অম্মি রাগা (যিয়েনর্ ভেদ্‌তান্ মঅ মানুচ্ নয়), কিয়া তুমি মঅ মানুচ্ নয় আর মুইয়ো তমার গোজেন নয়।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 5:41

“মুই মান্‌জ্যর্ বাঈনী পেবাত্তে চেট্ট্যা ন-গরং,

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

যোহন 8:41

তমা বাব্‌পো যিয়েন্ গরে তুমিয়ো সিয়েন্ গরর্।” তারা যীশুরে কলাক্, “আমি দঅ জার্গো নয়। আমার বানা এক্কো বাব্ আঘে, সে বাব্‌পো অলঅ গোজেন।”

যোহন 8:50

মুই মর্ নিজোর্ নাঙ্ ফুদেবার্ ন-চাং, মাত্তর্ একজন আঘে যিবে মরে সর্মান দান্ গরে, আর তেয়ই বিচের্ গুরিয়ে।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

২ করিন্হীয় 10:18

কিয়া নিজোর্ নাঙ্ ফুদেবাত্যে কেঅ গম্ বিলিনে প্রমাণ ন-অয়, বরং প্রভু যিবেরে নাঙ্ গিনে তেয়ই গম্ বিলিনে প্রমাণ অয়।

১ পিতর 1:12

মাত্তর্ গোজেনে তারারে দেগেই দিয়্যেদে যে, তারা যেদক্কানি কধা কোইয়োন সিয়েনিলোই তারা নিজোরে সেবা ন-গুরিনে তমারে সেবা গোজ্জ্যন্। স্বর্গত্তুন্ পাধেইয়্যে পবিত্র আত্মার পরিচালনায় যিগুনে তমা ইধু খ্রীষ্ট পৌইদ্যেনে গম হবর্ ফগদাং গোজ্জ্যন্ তারা ভাববাদীগুনোর্ সেই কধানি তমারে জানেয়োন। এন্‌ কি, স্বর্গদূত্‌তুনেয়ো এ পৌইদ্যেনে জানিবাত্যে আওজি।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

২ পিতর 1:17

“ইবে মর্ কোচ্‌পেইয়্যে‌ পুয়ো, ইবে উগুরে মুই ভারী হুজী,” স্বর্গত্তুন্ কোইয়্যে এই কধাগান্দোই খ্রীষ্ট বাবা গোজেনত্তুন্ সর্মান আর বাঈনী পেইয়্যে।