যোহন 8:49 - Chakma Bible

⁴⁹ যীশু জোবত্ কলঅ, “মরে ভুদে ন-পায়। মুই মঅ বাবারে সর্মান গরং, মাত্তর্ তুমি মরে অসর্মান্ গরর্।

যোহন 8:49 ပူးပေါင်းရင်းမြစ်များ

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

যিশাইয় 49:3

তে মরে কোইয়্যেদে, “ও ইস্রায়েল, তুই মর্ চাগর; মুই তঅ মাধ্যমে মর্ বাঈনী গরানা ফগদাং গুরিম।”

যোহন 11:4

এ কধাগান্ শুনিনে যীশু কলঅ, “এ অসুগ্‌কান্ তার মুরিবাত্তে ন-অয় বরং গোজেনর্ মহিমা ফগদাং গুরিবাত্তে ওইয়্যে, যেন ইয়েনর্ মাধ্যমে গোজেন পুয়োবোর্ মহিমা ফগদাং পায়।”

যোহন 12:28

বাবা, তঅ মহিমাগান্ ফগদাং গর্।” স্বর্গত্তুন্ সেক্কে এ কধাগান্ শুনো গেলঅ, “মুই মঅ মহিমাগান্ ফগদাং গোজ্যং আহ্ আরঅ সিয়েন্ ফগদাং গুরিম।”

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 17:4

তুই যে কামানি মরে গুরিবাত্যে দুয়োচ্ সিয়েনি থুম্ গুরিনে এ জগদত্ মুই তর্ মহিমাগান্ ফগদাং গোজ্যং।

যোহন 7:20

মানুচ্চুনে জোব্ দিলাক্, “তরে ভূদে পেয়্যে; কন্না তরে মারে ফেলেবার্ চেষ্টা গরের্?”

যোহন 8:29

যে মরে পাধেয়্যে তেয়ই মঅ সমারে আঘে। তে মরে গায় গায় গুরি ইরি ন-দে, কিয়া যে কামত্ তে হুজী অয় মুই নিত্য সেই কামান গরং।”

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

১ করিন্হীয় 11:14

স্বাভাবিক বুদ্ধিলোই কি ইয়েন বুঝো ন-যায় যে, মরদে যুনি লাম্বা চুল থয় সালে সিয়েনত্যে তার অসর্মান অয়,

১ করিন্হীয় 15:43

সিয়েন অসর্মান সমারে মাদিত্ দিয়্যে অয়, মাত্তর্ সর্মান লগে তুলো অবঅ; বল্‌নেইয়্যে অবস্থায় মাদিত্ দিয়্যে অয়, মাত্তর্ খেমতালোই তুলো অবঅ;

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।