যোহন 8:37 - Chakma Bible

³⁷ মুই হবর্ পাং তুমি অব্রাহাম বংশর মানুচ্, মাত্তর্ তো তুমি মরে মারে ফেলেবাত্তে চর্, কিয়া মঅ কধানি তমা মনত্ কনঅ জাগা ন-পায়।

যোহন 8:37 ပူးပေါင်းရင်းမြစ်များ

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 3:9

তুমি অব্রাহাম গুট্টির্ মানুচ্, ইয়েন নিজো মনত্ কোই পারিবার কধাগান চিন্তেয়ো ন-গোজ্য। মুই তমারে কঙর্, গোজেনে এ পাত্তরুনোত্তুন্ অব্রাহামর গুট্টি বানেই পারে।

যোহন 10:31

সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।

যোহন 11:53

সে দিনোত্তুন্ ধুরি যিহূদী নেতাগুনে যীশুরে মারে ফেলেবাত্তে কুজুরোমি গরা ধুরিলাক্।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

যোহন 7:1

ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 7:25

সেক্কে যিরূশালেমর্ কয়েক্কো মান্‌জ্যে কলাক্, “যিবেরে নেতাগুনে মারে ফেলেবাত্তে চান্, ইবে কি সেই মানুচ্চো নয়?

যোহন 8:33

যিহূদী নেতাগুনে সেক্কে যীশুরে কলাক্, “আমি অব্রাহাম বংশর মানুচ্; আমি কনদিন্অ কারর্ চাগর্ ন-ওই। তুমি কেধোক্ক্যেন্ গুরিনে কত্তে যে, আমারে উদ্ধোর্ গরা অবঅ?”

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

যোহন 8:56

তমা বাব্‌পো অব্রাহামে মঅ দিন্নো চেবার্ আজায় হুজী ওইয়্যে। তে সিবে দেক্ক্যে আর হুজীয়ো ওইয়্যে।”

যোহন 8:6

তারা যীশুরে যগা চেবাত্যে এ কধাগান্ কলাক্, যেনে তারে দুচ্‌ দিবার্ এক্কান্ কারণ তোগেই পান্। সেক্কে যীশু নিগিরিনে আঙুল্লোই মাদিত্ লেগা ধুরিলো।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।

রোমীয় 9:7

অব্রাহাম গুট্টির্ বিলিনে যে তারা তার্ আজল্ পুয়ো সিয়েন নয়, বরং পবিত্র বোইবোর্ কধা মজিম্, “ইস্‌হাকর্ গুট্টিবোরে তর্ গুট্টি বিলিনে ধরা অবঅ।”

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

১ যোহন 2:14

পুয়ো-ঝিগুন্, মুই তমা ইধু লিগিলুং, কিয়া তুমি বাবা গোজেনরে জানঅ। বাবলগ্, মুই তমা ইধু লিগিলুং, কিয়া সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো। গাবুজ্জ্যেলগ্, মুই তমা ইধু লিগিলুং, কিয়া তুমি বোলী আর গোজেন কধা তমা মন ভিদিরে আঘে, আর তুমি শদান উগুরে জিত্য।