যোহন 8:34 - Chakma Bible

³⁴ যীশু তারারে ইয়েন্ কলঅ, “মুই ঘেচ্চ্যেক্‌গুরি তমারে কঙর্, যিগুনে পাপত্ পরি থান্ সিগুনে বেক্কুনে পাপর চাগর্।

যোহন 8:34 ပူးပေါင်းရင်းမြစ်များ

১ রাজাবলী 21:25

মোক্কোর্‌ ভেজে দেনালোই লগেপ্রভুর চোগোত্‌ যিয়েনি ভান্ন্যেই আহাবে সিয়েনি গুরিবাত্তে নিজোরে বিজি দিয়্যে। তা ধোক্ক্যেন্ আর কনজনে এবাবোত্যে কাম্‌ ন-গরন্‌।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

প্রেরিত্‌ 8:23

মুই দেগঙর্, তঅ মনান্ লুভে ভরা আর তুই পাপ ইধু বন্দী ওই আঘচ্।”

রোমীয় 6:12

ইয়েনত্তে তমার্ এই মরণর্ কিয়্যেগান উগুরে পাপ্পানরে আর রাজাগিরি গুরিবাত্তে ন-দুয়ো। যুনি দুয়ো সালে তমার্ কিয়্যের্ ভান্ন্যেয়র্ আওজ্‌মজিম তুমি চলিবা।

রোমীয় 6:16

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 7:14

আমি হবর্ পেই রীদি-সুদোম আত্মিক, মাত্তর্ মুই পাপ-খাচ্চ্যদর্ অধীন বিলি পাপর্ চাগর্ ওইয়োং।

রোমীয় 7:25

আমা প্রভু যীশু খ্রীষ্টর্ মাধ্যমে মুই গোজেনরে ভালেদি জানাং যে, তে মরে রোক্ষ্যে গোজ্জ্যে। সালে দেগা যায় যে, মন ইন্দিত্তুন্ মুই গোজেন রীদি-সুদোমর্ চাগর্, মাত্তর্ পাপ-খাচ্চ্যদর্ ইন্দিত্তুন্ মুই পাপ সুদোমর্ চাগর্।

রোমীয় 8:21

ভস্ত অনার্ বান্যেগানত্তুন্ উদ্ধোর্ ওইনে এ সৃট্টিগানে এক দিন্ন্যে গোজেনর্ পুয়ো-ছা গুনোর্ বাঈনী গুরিবার্ স্বাধীনতার ভাগিদার্ ওই পারিবাক্।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

২ পিতর 2:19

সেই ফক্কর্ মাষ্টরুনে সেই মানুচ্চুনোর্ স্বাধীনতা দেনার এগেম্ গরন সত্য, মাত্তর্ নিজে জঘন্য কামর চাগর্ ওইনে থান; কিয়া কেঅ যুনি কনঅ কিজু ইধু ন-জিদোন সালে তে তার চাগর্ অয়।