যোহন 8:32 - Chakma Bible

³² সিয়েন বাদে তুমি সত্যগানরে কোই পারিবা, আর সে সত্যগানে তমারে উদ্ধোর্ গুরিবো।”

যোহন 8:32 ပူးပေါင်းရင်းမြစ်များ

গীতসংহিতা 119:45

মুই গমেডালে জিংকানি কাদেম, কিত্তে তর্ সুদোমর ইন্দি মুই মনান্ দুয়োং।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গম্ উপদেজ্ 1:23

মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

গম্ উপদেজ্ 1:29

তারা জ্ঞানানরে ঈচ্ গোজ্যন্ আর লগেপ্রভুরে ভোক্তিগুরিনে ন-দরান্।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

লেবীয় 25:41

সে পরেদি তারে আর তার্‌ ঝি-পূঅগুনোরে ছাড়ি দিয়্যে পুরিবো। তে সেক্কে তার্‌ নিজোর্‌ বংশর আর আগমানুচ্চুনোর্‌ ভূইয়ানি ফিরি যেবঅ।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 16:13

মাত্তর্ সেই সত্যর্ আত্মাগান্ যেক্কে এবঅ সেক্কে তে তমারে পধ দেগেইনে পুরোপুরি সত্যত্ নেযেব। তে নিজোত্তুন্ কধা ন-কবঅ, মাত্তর্ যিয়েনি শুনে সিয়েনি কবঅ, আর যিয়েনি ঘুদিবো সিয়েনি তে তমারে জানেব।

যোহন 17:17

সত্যলোই তর্ নাঙে তুই তারারে যুদো গুরি থঅ। তর্ কধাগানি সেই সত্য।

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

যোহন 8:36

সেনত্তে গোজেনর্ পুয়োবো যুনি তমারে উদ্ধোর্ গরে সালে ঘেচ্চ্যেক্‌গুরি তুমি উদ্ধোর্ অবা।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

১ করিন্হীয় 7:22

চাগর্ থানা অবস্থায় প্রভু যারে ডাক্ক্যে তে প্রভুলোই স্বাধীন ওইয়্যে। সেবাবোত্যে যারে স্বাধীন অবস্থায় ডাগা ওইয়্যে তে খ্রীষ্টর্ চাগর্ ওইয়্যে।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

২ তীমথিয় 3:7

তারা নিত্য শিক্ষ্যের্ কধানি শুনোদন্, মাত্তর্ কনদিন্‌অ গোজেনর্ সত্যগানরে মূড়োত্ পুড়িনে বুঝি ন-পাত্তন্।

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

যাকোব 2:12

যে সুদোমানে মান্‌‌জ্যরে স্বাধীনতা দান গরে সেই সুদোমান্দোই যিগুনোরে বিচের্ গরা অবঅ, তারা ধোক্ক্যেন কধা কঅ আর আঢাউদো গরঅ;

১ পিতর 2:16

স্বাধীন মানুচ্‌ ইজেবে জিংকানি কাদঅ, মাত্তর্ সদান কামানি ঢাগিবাত্যে সেই স্বাধীনতাগান বেহবার ন-গোজ্জ্য। সিয়েনর বদলে গোজেনর্ চাগর ইজেবে জিংকানি কাদঅ।

২ যোহন 1:1

গোজেনে যিবেরে বেঈ লোইয়্যে সেই মিলেবো আর তা পুয়ো-ছাগুনো ইধু সেই বুড়ো নেতাবো মুই এ চিধিগান লেগঙর্। গোজেনর্ সত্যগানত্যে মুই তমারে বেক্কুনোরে কোচ্‌পাং। বানা যে মুই তমারে কোচ্‌পাং সিয়েন নয়, মাত্তর্ যিগুনে গোজেনর্ সত্যগান হবর্ পেইয়োন সিগুনে বেক্কুনে তমারে কোচ্‌পান।