যোহন 8:31 - Chakma Bible

³¹ যে যিহূদীগুনে তারে বিশ্বেজ্ গোজ্যন্ যীশু তারারে কলঅ, “মঅ কধামজিম্ যুনি তুমি চলঅ সালে ঘেচ্চ্যেক্‌গুরি তুমি মর্ শিচ্চ্য।

যোহন 8:31 ပူးပေါင်းရင်းမြစ်များ

মথি লেখ্যে গম্ হবর্ 24:13

মাত্তর্ যে থুম্ সং থির্ থেবঅ তে উদ্ধোর্ পেবঅ।

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

যোহন 2:2

সে মেলাত্ যীশু আর তা শিচ্চ্যগুনেয়ো বাত্যেয়োন।

যোহন 6:55

মঅ য়েরাগান্ অলঅ আজল্ হানা আর মঅ লো-গান আজল্ হেবার্ পানীয়।

যোহন 8:36

সেনত্তে গোজেনর্ পুয়োবো যুনি তমারে উদ্ধোর্ গরে সালে ঘেচ্চ্যেক্‌গুরি তুমি উদ্ধোর্ অবা।

প্রেরিত্‌ 13:43

মানুচ্চুনে সমাজ ঘরত্তুন্ যানার্ পরেদি বোউত্ যিহূদী আর যিহূদী ধর্ম বিশ্বেজি গোজেনভক্ত অযিহূদী পৌল আর বার্ণবা সমারে সমারে গেলাক্। সেক্কে সেই মানুচ্চুনো সমারে পৌল আর বার্ণবা কধা কলাক্ আর তারারে উচ্চোমি তুলি দিলাক্ যেন তারা গোজেনর্ দোয়্যে ভিদিরে থির্ থান্।

প্রেরিত্‌ 26:22

মাত্তর্ গোজেনে এচ্চ্যে সং মরে এজাল্ দি এজের্ আর সেনত্তে মুই ইয়েনত্ থিয়্যেইনে চিগোন্-দাঙর্ বেক্কুনো ইধু সাক্ষ্য দোঙর্। ভাববাদীগুনে আর মোশি যিয়েনি ঘুদিবার কধা কোই যেইয়োন্ সিয়েনির বারেদি মুই কিচ্চু ন-কঙর্।

রোমীয় 11:22

সেনত্তে গোজেনে যে কত্তমান্ দোয়্যেলু আর আগাত্ত্যে সিয়েন একবার্ ভাবি চাহ্। যিগুনে পড়ি যেইয়োন্ তারা উগুরে তে দরমর, মাত্তর্ তঅ উগুরে তে দোয়্যেলু-খালিক্ যুনি তুই তার্ দোয়্যে ভিদিরে থাচ্। সেধোক্ক্যেন্ ন-অলে তরেয়ো কাবি ফেলা অবঅ।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

২ তীমথিয় 3:14

মাত্তর্ তুই যিয়েনি শিক্ক্যচ্ আর ঘেচ্চ্যেক গুরি বিশ্বেজ্ গোজ্জ্যস্ সিয়েনিলোই থির্ থাগ্, কিয়া কাত্তুন্ তুই সিয়েনি শিক্ক্যচ্ সিয়েন দঅ তুই কোই পারচ্।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 8:9

মিসর দেজত্তুন্ মুই তারার্ পূরোণি মানুচ্চুনোরে আঢত্ ধুরি নিগিলেই আনিবার অক্তত্ তারাত্যে যে বেবস্থাগান থিদেবর্ গোজ্জ্যং এ নূয়ো বেবস্থাগান সেই বেবস্থাগান ধোক্ক্যেন ন-অবঅ। তারা মর্ সেই সুদোম মজিম ন-চলন্ বিলি মুই তারা ইন্দি মনযোগ ন-দুয়োং।” প্রভু এই কধাগান কয়।

যাকোব 1:25

মাত্তর্ যে পুরো সুদোমানে মান্‌জ্যরে স্বাধীনতা দান গরে তা ইন্দি যে গমেডালে রিনি চায় আর মনযোগ দে, তে সেই সুদোমর্ কধা শুনিনে পুরি ন-ফেলায় বরং সে ধগে কাম্‌অ গরে। ফলে তে তার বেক্‌ কামানিত্ বর্ পায়।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

১ যোহন 2:24

পৌইল্যাত্তুন্ ধুরি তুমি যিয়েনি শুনি এজর্ সিয়েনি যেন তমা মনভিদিরে থায়। পৌইল্যাত্তুন্ ধুরি যিয়েনি তুমি শুনি এজর্ সিয়েনি যুনি তমা মনভিদিরে থায় সালে তুমি পুয়োবো আর বাবা সমারে থেবা।

২ যোহন 1:9

যিগুনে খ্রীষ্টর্ দিয়্যে শিক্ষ্যে ন-পালান্ আর সেই শিক্ষ্যেলোই থিদেবর্ ন-থান তারা মনভিদিরে গোজেনে নেই। মাত্তর্ যে সেই শিক্ষ্যেলোই থির্ গুরি থায় তা মনভিদিরে বাবে আর পুয়োবো দ্বিয়োজনে আঘন্।

১ শমূয়েল 12:14

তুমি যুনি লগেপ্রভুরে ভোক্তি গুরিনে দরঅ, তারে সেবা গরঅ আর তার বাধ্য ওইনে তা উগুমোর বিরুদ্ধে ন-চলঅ, আর যিবে তমারে শাজন্ গুরিবো সেই রাজাবো আর তুমি যুনি তমার গোজেন লগেপ্রভুর আওজ্ মজিম্ আদঅ, সালে গম্‌ অবঅ।