যোহন 8:22 - Chakma Bible

²² সেক্কে যিহূদী নেতাগুনে কলাক্, “তে কি নাৎ দিবো নাহি? কিয়া তে কত্তে, ‘মুই যিধু যাঙর্ তুমি সিধু এই ন-পারিবা।’ ”

যোহন 8:22 ပူးပေါင်းရင်းမြစ်များ

গীতসংহিতা 123:4

আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।

গীতসংহিতা 22:6

মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্‌‌জ্যে মরে ঈচ্ গুরিদাক্।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 10:20

তারা ভিদিরেত্তুন্ ভালোক্‌জনে কলাক্, “তারে ভূদে পেইয়্যে, তে পাগল্; তুমি তা কধা কিত্ত্যে শুন্নো?”

যোহন 7:20

মানুচ্চুনে জোব্ দিলাক্, “তরে ভূদে পেয়্যে; কন্না তরে মারে ফেলেবার্ চেষ্টা গরের্?”

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

যোহন 8:48

সেক্কে যিহূদী নেতাগুনে যীশুরে কলাক্, “আমি কি ঠিগ্ ন-কোই, তুই এক্কো শমরীয় আর তরে ভুদে পেইয়্যে?”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,