যোহন 8:15 - Chakma Bible

¹⁵ মান্‌জ্যে যেবাবোত্যেগুরি বিচের্ গরন্ তুমি সেবাবোত্যেগুরি বিচের্ গুরি থাগঅ, মাত্তর্ মুই কারঅ বিচের্ ন-গরং।

যোহন 8:15 ပူးပေါင်းရင်းမြစ်များ

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

লূকে লেখ্যে গম্ হবর্ 12:14

যীশু তারে কলঅ, “বিচের্ গুরিবার্ বা তমা ভিদিরে সম্বোত্তি ভাগ্ গুরি দিবার্ অধিকার মরে কন্না দিয়্যে?”

যোহন 12:47

যুনি কেঅ মঅ কধা শুনিনে সেবাবোত্যেগুরি ন-চলে সালে মুই নিজে তার্ বিচের্ ন-গরং, কিয়া মুই মান্‌জ্যরে দুষী প্রমাণ গুরিবাত্যে ন-এজং বরং মান্‌জ্যরে পাপত্তুন্ উদ্ধোর্ গুরিবাত্যে এচ্চ্যং।

যোহন 18:36

যীশু কলঅ, “মঅ রেজ্যগান্ এ জগদর্ নয়। যুনি মঅ রেজ্যগান্ এ জগদর্ অদঅ সালে মুই যাতে যিহূদী নেতাগুনো আঢত্ ন-পড়ং সেনত্তে মঅ মানুচ্চুনে যুদ্ধো গুরিদাক্; মাত্তর্ মঅ রেজ্যগান্ দঅ ইধুগোর্ নয়।”

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 7:24

বারেদি চেঙারা দেগিনে বিচের্ ন-গুরিনে বরং গমেডালে বিচের্ গরঅ।”

যোহন 8:11

মিলেবো জোব্ দিলো, “না বাবু, কনজনে ন-গরন্।” সেক্কে যীশু কলঅ, “মুইয়ো ন-গরং। থিক্ আঘে যাহ্; পাপঅ জিংকানি আর ন-কাদেচ্।”

রোমীয় 2:1

কেঅ যুনি ইয়েন্দোই অন্যগুনোরে দুষ্ দুয়োন সালে মুই তারে কোম্, তর্ নিজো অজুহাত্তান্ কুধু? তুই যেক্কে অন্যগুনোরে দুষ্ দুয়োচ্ সেক্কে কি তুই নিজোরে দুষি বিলিনে প্রমাণ্ ন-গরচ্? তুই অন্যগুনোরে দুষ্ দুয়োচ্ অদচ তুই সেই একই কাম্ গুরি থাচ্।

১ করিন্হীয় 2:15

যে মানুচ্চো আত্মিক্ তে বেক্কানি পোরোক্ষ্যে গুরি চায়, মাত্তর্ তারে কনজনে পোরোক্ষ্যে গুরি চেই ন-পারন্।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

যাকোব 2:4

সালে তুমি নিজো ভিদিরে কি চিগোন-দাঙর্ ভাবর্ সৃট্টি ন-গরর্ আর ভান্ন্যেই আজালোই কি বিচের্ ন-গরর্?

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”