যোহন 7:52 - Chakma Bible

^52-53 ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

যোহন 7:52 ပူးပေါင်းရင်းမြစ်များ

পত্থম 19:9

মাত্তর্‌ তারা কলাক্, “যাহ্, যাহ্, পত্তানত্তুন্‌ সুরি যাহ্!” তারা আরঅ কলাক্, “মানুচ্চো আমা ইধু এচ্চ্যেদে বিদেশী ইজেবে, আর সে পরেত্তুন্‌ ধুরি আমা উগুরে বানা মুরুব্বী গিরি গুরি বেরার্‌। ইক্কিনে আমি তারাত্তুন্‌অ বেশ্‌ তঅ সমারে আরঅ বজং বেবহার্‌ গুরিবোং।” ইয়েন্‌ কোইনে তারা উজেই যেইনে ঘরর্‌ দোরান্‌ ভাঙি ফেলেবাত্তে‌ লোটরে অমকদ ঠিলি দিয়া ধুরিলাক।

১ রাজাবলী 22:24

সেক্কে কনানার পূঅ সিদিকিয় যেইনে মীখায়ের গালত্‌ চুয়োর্‌ মারিনে কলঅ, “লগেপ্রভুর আত্মাগান তঅ লগে কধা কবাত্তে মত্তুন্‌ নিগিলি এইনে কন্‌ পধেন্দি যেইয়্যে?”

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

যোহন 1:46

নথনেল ফিলিপরে কলঅ, “নাসরতত্তুন্ কি গম্ কনকিজু এই পারে?” ফিলিপ তারে কলঅ, “এইনে চাহ্।”

যোহন 5:39

তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

যোহন 7:41

অন্যগুনে কলাক্, “ইবেই মশীহ।” মাত্তর্ কেঅ কেঅ কলাক্, “মশীহ কি গালীল রেজ্যত্তুন্ এবঅ?

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।