যোহন 7:38 - Chakma Bible

³⁸ যে মঅ উগুরে বিশ্বেজ্ গরে, পবিত্র বোইবোর্ কধা মজিম্ তা মনত্তুন্ জেদা পানির গাঙ্ বেঈ যানাত্ থেবঅ।”

যোহন 7:38 ပူးပေါင်းရင်းမြစ်များ

গম্ উপদেজ্ 10:11

গোজেন ভক্তগুনোর্ মুয়োনি জিংকানির পয়নালা ধোক্ক্যেন, মাত্তর্ পাজিগুনোর অত্যেচারি মনানি তারার মুয়ো কধানিলোই নাঢা যায়।

গম্ উপদেজ্ 18:4

মান্‌জ্যর মুয়ো কধানি যেন মাদি গভিনোত্ থেইয়্যে পানি, মাত্তর্ জ্ঞানি মান্‌জ্যর মুয়ো কধানি যেন পয়নালাত্তুন্ নিগিলি এচ্চ্যে গঙার পানি।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।