যোহন 7:37 - Chakma Bible

³⁷ পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

যোহন 7:37 ပူးပေါင်းရင်းမြစ်များ

নহিমিয় 8:18

পত্তম দিনোত্তুন্‌ ধুরি আরাম্ভ গুরিনে শেজ দিন সং ইষ্রা পত্তিদিন গোজেনর রীদি-সুদোম বোইবোত্তুন্‌ পড়া ধুরিলো। মানুচ্চুনে সাত দিন সং পরপ্‌বো পালেলাক্‌ আর আস্‌তো দিনোত্‌ সুদোম্‌ মজিম শেজ দিনোত্‌ বিশেজ্ তেম্মাং অলঅ।

গীতসংহিতা 143:6

মুই তন্দি মঅ আঢ্‌তান বাবেই দুয়োং; শুগুনো ভুইয়ো ধোক্ক্যেন্ মঅ পরাণানে তত্তে ধারস্ গরের্।

গীতসংহিতা 42:2

গোজেনত্তে, জেদা গোজেনত্তেই মর্ পরাণানত্ তিরেচ্ লাগের্; কক্কেনে মুই যেইনে তা মুজুঙোত্ থিয়্যেই পারিম্?

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গম্ উপদেজ্ 1:20

দোল্ বুদ্ধি পধে পধে রঅ ছাড়িনে ডাগে, বাজারত্ রঅ ছাড়ে।

গম্ উপদেজ্ 8:1

গম্ বুদ্ধিগানে কি ন-ডাগে? বিচের বুদ্ধিগানে কি রঅ ছাড়িনে কধা ন-কয়?

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

গম্ উপদেজ্ 8:3

শঅরত্ যেবার পদথ্ গেদো কুরে তে রঅ ছাড়িনে কয়,

গম্ উপদেজ্ 9:3

তে তা চাগরানিগুনোরে বেক জাগানিত্ পাধেই দিয়্যে, আর শঅরর্ বেগ অজল জাগানিত্তুন্ তে ডাগিনে কত্তে,

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিশাইয় 40:6

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিহিষ্কেল 47:9

যিয়েনদি এ গাঙান্ বেঈ যেবঅ সিয়েনত্ নানান্ বাবোত্যে ঝাকবলা জেদা পরানবলা আর বোউত্ মাছ বজত্তি গুরিবাক্। এ পানিগান যিয়েনদি বেঈ যেবঅ সিদুগোর্ পানিগান মিদে গুরি তুলিবো; সেনত্তে যিয়েনদি গাঙান্ বেঈ যেবঅ সিয়েনর্ বেক্কানি বাঁজিবো।

লেবীয় 23:36

এ সাত দিনো ভিদিরে পত্তিদিন লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। সে পরেদি আস্টো দিনোত্‌অ তমার পবিত্র মিলন-সভা অবঅ আর লগেপ্রভুর্ নাঙে আগুন্দোই-গোজ্যে উৎসর্বর অনুষ্ঠান গরা পুরিবো। ইবে শেজ্ দিনোত্‌ বিশেজ্ সভা; সেদিন্যে তমার কনঅ দুঘোর্ কাম গরানা ন-চলিবো।

লেবীয় 23:39

“সাত মাজর্‌ পন্দর দিনোর দিন্নোত্‌ ভূইয়াত্তুন্‌ ফসল তুলি নেযানার পরেদি লগেপ্রভুর্ নাঙে সাত দিন সং এ নাদামান্‌জ্যর্‌-ঘরর্‌ পরব্‌ পালন গরা পুরিবো। এ সাত দিনোর্‌ পত্তম দিন্নো আর আস্টো দিন্নো অবঅ তমার্‌ জিরেবার দিন।

মীখা 6:9

জ্ঞানী মানুচ্চুনে লগেপ্রভুরে ভোক্তিগুরিনে দরান্। উই শুনো, লগেপ্রভু শঅর মানুচ্চুনোরে ডাগের্। তে কত্তে, “তুমি সাজা দিবার লুদিক্কো ইন্দি আর যিবে সিবেরে নেযেয়্যে তাইন্দি মনযোগ দুয়ো।

সখরিয় 9:15

বেগত্তুন্ খেমতাবলা লগেপ্রভু তারারে রোক্ষ্যে গুরিবো। ইয়েন্দোই তারা শত্রুগুনোরে ভস্ত গুরিবাক্ আর তারার্ ফিংগার পাত্তরুন টেঙোই মাড়িবাক্। তারা আংগুর-রস হেবাক্ আর মাত্তলুনো ধোক্ক্যেন রঅ ছাড়িবাক্; ঢালিপূজোগুনোর কোণাগুনোত্ পিলেত্তুন্ লো ঢালেদে ধোক্ক্যেন গুরি তারা বজমান্ লো ঝোড়েবাক্।

গণাণা 29:35

আস্‌তো দিনোত্‌ শেজঅ দিন্নোর বিশেজ সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 3:3

এ যোহন পৌইদ্যেনে ভাববাদী যিশাইয় কোইয়্যেদে, ধূল্যেচর-চাগালাত্ একজনে রঅ ছাড়িনে জানাত্তে, “তুমি প্রভুর্ পথ্‌তান ঠিগ্ গরঅ; তা পথ্‌তান উজু গরঅ।”

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

যোহন 1:23

যোহনে কলঅ, “মুয়ই সেই রবুয়ো, যিবে পৌইদ্যেনে ভাববাদী যিশাইয় কোইয়্যে, ধূল্যেচর-চাগালাত্ একজন রঅ দাঙর্ গুরিনে কত্তে, তুমি প্রভুর্ পথতান্ উজু গরঅ।”

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:11

মিলেবো কলঅ, “মাত্তর্ তত্তুন্ পানি তুলিবাত্যে কিচ্চু নেই আর কূয়োবোয়ো গভীন্। সালে সেই জেদা পানিগান্ কুত্তুন্ পেলে?

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:55

মঅ য়েরাগান্ অলঅ আজল্ হানা আর মঅ লো-গান আজল্ হেবার্ পানীয়।

যোহন 7:28

সিয়েন পরেদি যীশু উবোসনা-ঘরত্ শিক্ষ্যে দিবার্ সময় রঅ ছাড়িনে কলঅ, “তুমি মরেয়ো হবর্ পঅ, আর মুই কুত্তুন্ এচ্চ্যং সিয়েন্-অ কোই পারঅ। তো মুই নিজোত্তুন্ ন-এজং, মাত্তর্ সত্য গোজেনে মরে পাধেয়্যে।

১ করিন্হীয় 10:21

প্রভুর গলচ্চো আর ভান্ন্যেই আত্মাগুনোর গলচ্চো, এ দ্বিবে গলজত্তুন্ তুমি হেই ন-পারঅ। প্রভুর টেবিলো উগুরে আর ভান্ন্যেই আত্মাগুনোর্ টেবিলো উগুরে যিয়েনি আঘে, এই দ্বিয়েনর্ ভাগ্ তুমি লোই ন-পারঅ।

১ করিন্হীয় 11:25

হানা অলে পরেদি সেবাবোত্যেগুরি তে গলচ্চো লোইনে কোইয়্যেদে, “মর্ লো-গান্দোই গোজেনর্ যে নুয়ো সুদোম্ অাগঅ ধোক্ক্যেন গরা অবঅ সেই সুদোমর্ চিহ্নো অলঅ এই গলচ্চো। তুমি যেদকবার্ ইবেত্তুন্ হেবা মরে মনত্ রাগেবাত্তে এবাবোত্যে গরঅ।”

১ করিন্হীয় 12:13

আমি যিহূদী কি অযিহূদী, চাগর্ কি স্বাধীন, বেক্কুনোর্ একই পবিত্র আত্মালোই একই কিয়্যে ভিদিরে বাপ্তিস্ম ওইয়্যে। আমি বেক্কুনে সেই একই পবিত্র আত্মাগানরে পেইয়্যেই।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।