যোহন 7:35 - Chakma Bible

³⁵ যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

যোহন 7:35 ပူးပေါင်းရင်းမြစ်များ

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 56:8

প্রভু লগেপ্রভু, যিবে বিদেজত্ ছিদি পড়ি থেইয়্যে ইস্রায়েলীয়গুনোরে এগত্তর্ গরে তে এ কধাগান ফগদাং গরেত্তে, “যিগুনোরে আগে এগত্তর্ গরা ওইয়্যে তারা সমারে অন্য জাদ মানুচ্চুনোরেয়ো মুই এগত্তর্ গুরিম।”

সফনিয় 3:10

কূশ দেজর্ গাঙ উপারত্তুন্ মর্ উবোসনাগুরিয়্যেগুন, মর্ ছিদি পোজ্যে মানুচ্চুন্ মঅ নাঙে উৎসর্বর জিনিস আনিবাক্।

মথি লেখ্যে গম্ হবর্ 12:21

তা উগুরে অযিহূদীগুনে আজা রাগেবাক্।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 12:20

সেই পরবত্ যিগুনে উবোসনা গুরিবাত্যে এচ্চ্যন্ তারা ভিদিরে কয়েক্কো গ্রীকঅ এলাক্।

যোহন 7:1

ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

যোহন 8:22

সেক্কে যিহূদী নেতাগুনে কলাক্, “তে কি নাৎ দিবো নাহি? কিয়া তে কত্তে, ‘মুই যিধু যাঙর্ তুমি সিধু এই ন-পারিবা।’ ”

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 14:1

ইকনিয় শঅরত্ পৌল আর বার্ণবা তারার্ সুদোম মজিম যিহূদীগুনোর সমাজ-ঘরত্ গেলাক্। সিধু তারা এমন্‌ গুরি কধা কলাক্ যে, যিহূদী আর অযিহূদী ভালোক্ জনে বিশ্বেজ্ গুরিলাক্।

প্রেরিত্‌ 17:4

এ কধাগান্ শুনিনে কয়েক্কো যিহূদী বিশ্বেজ্ গুরিনে পৌল আর সীল সমারে মিজেলাক্। ইগুন্ বাদে গোজেন-ভক্ত বোউত্ গ্রীক আর বোউত্ বিশেষ বিশেষ মিলেয়ো তারা সমারে মিজেলাক্।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 21:21

তারা হবর্ পেইয়োন, অযিহূদীগুনো ভিদিরে যিদুক্কুন্ যিহূদী থান্ তারারে তুই মোশির রীতি-সুদোম বাদ দিইনে চলিবাত্তে শিক্ষ্যে দি থাচ্, অত্তাৎ তুই তারার্ পুয়োগুনোরে চুনুগুলো মাঢাবো কাবিবাত্তে আর যিহূদীগুনোর্ চলেদে সুদোম্ পালেবাত্তে মানা গুরি থাচ্। ইক্কিনে আমি কি গুরিই।

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।