যোহন 7:32 - Chakma Bible

³² মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 7:32 ပူးပေါင်းရင်းမြစ်များ

মথি লেখ্যে গম্ হবর্ 12:14

সেক্কে ফরীশীগুনে বারেদি গেলাক্ আর যীশুরে মারে ফেলেবাত্তে তা বিরুদ্ধে তেম্মাং গরা ধুরিলাক্।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 26:58

পিতরে দূরোত্তুন্ যীশুর পিজে পিজে দাঙর্ ধর্মগুরুবোর্ উদোনান সং গেলঅ আর যেরেদি কি অয় সিয়েন্ চেবাত্তে ভিদিরে সোমেইনে চুগিদারুনো লগে বজিলো।

যোহন 11:46

মাত্তর্ তারাত্তুন্ কেঅ কেঅ ফরীশীগুনো ইধু যেইনে যীশু যিয়েনি গোজ্যে সিয়েনি কলাক্।

যোহন 12:19

ইয়েন দেগিনে ফরীশীগুনে একজন আরেকজনরে কলাক্, “আমার কনঅ লাভ্ ন-অর্। চঅ, গোদা দুনিয়েগান্ তা দলত্ যেয়েগোই।”

যোহন 18:3

আজল্ ধর্মগুরুগুনে আর ফরীশীগুনে যিহূদারে এক দল্ সৈন্য আর কয়েক্কো চাগর্ দিলাক্। সেক্কে যিহূদা তারা সমারে চেরাগ্, বম্বা আর আত্ত্যার্ লোইনে সিয়েনত্ লুমিলো।

যোহন 7:30

ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

প্রেরিত্‌ 5:26

সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।