যোহন 7:30 - Chakma Bible

³⁰ ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

যোহন 7:30 ပူးပေါင်းရင်းမြစ်များ

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

মথি লেখ্যে গম্ হবর্ 12:14

সেক্কে ফরীশীগুনে বারেদি গেলাক্ আর যীশুরে মারে ফেলেবাত্তে তা বিরুদ্ধে তেম্মাং গরা ধুরিলাক্।

মথি লেখ্যে গম্ হবর্ 21:46

সেক্কে তারা যীশুরে ধুরিবাত্তে চেলাক্, মাত্তর্ মানুচ্চুনো দরে সিয়েন্ ন-গুরিলাক্, কিয়া মান্‌জ্যে তারে ভাববাদী বিলি মনে গুরিদাক্।

মার্ক 11:18

আজল্ ধর্মগুরুগুনে আর ধর্ম-মাষ্টরুনে এ কধাগান শুনিনে যীশুরে মারে ফেলেবার্ পথ্‌তান্ তগা ধুরিলাক্। তারা যীশুরে দোরেদাক্, কিয়া মানুচ্চুনে যীশুর্ শিক্ষ্যেলোই আমক্ ওই যেইয়োন্।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

যোহন 10:31

সেক্কে যিহূদী নেতাগুনে তারে মারিবাত্যে আরঅ পাত্তর্ তুবেলাক্।

যোহন 10:39

সেক্কে যিহূদী নেতাগুনে আরঅ যীশুরে ধুরিবাত্তে চেলাক্, মাত্তর্ তে তারা আঢত্তুন্ ছুদি গেলঅ।

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 7:6

সেক্কে যীশু তারারে কলঅ, “মর্ অক্‌ত এজঅ ন-অয়, মাত্তর্ তমার্ দঅ বে-অক্‌ত বিলি কিচ্চু নেই।

যোহন 7:8

তুমি পরবত্ যঅ। মঅ সময়ান্ এজঅ ন-পুরোয় বিলি মুই ইক্কে ন-যেম্।”

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।

যোহন 8:37

মুই হবর্ পাং তুমি অব্রাহাম বংশর মানুচ্, মাত্তর্ তো তুমি মরে মারে ফেলেবাত্তে চর্, কিয়া মঅ কধানি তমা মনত্ কনঅ জাগা ন-পায়।

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।