যোহন 7:27 - Chakma Bible

²⁷ মাত্তর্ আমি দঅ কোই পারিই ইবে কুত্তুন্ এচ্চ্যে। মাত্তর্ মশীহ যেক্কে এবঅ সেক্কে কনজনে কোই ন-পারিবাক্ তে কুত্তুন্ এচ্চ্যে।”

যোহন 7:27 ပူးပေါင်းရင်းမြစ်များ

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মার্ক 6:3

ইবে কি সেই গাজ মিস্ত্রি নয়? ইবে কি মরিয়ম পুয়োবো নয়? যাকোব, যোষেফ, যিহূদা আর শিমোনর ভেই নয়? তা বোনুন্ কি আমা ইধু নেই?” এবাবোত্যেগুরি যীশুরে নিইনে মানুচ্চুনো মনত্ সন্দেহ এজা ধুরিলো।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

যোহন 6:42

সেই নেতাগুনে কুয়ো ধুরিলাক্, “ইবে কি যোষেফর্ পুয়ো যীশু নয়? ইবের্ মা-বাবরে দঅ আমি চিনিই। সালে তে কেধোক্ক্যেন্‌গুরি কয়, ‘মুই স্বর্গত্তুন্ লামি এচ্চ্যং’?”

যোহন 7:15

“এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

যোহন 9:29

আমি কোই পারিই গোজেনে মোশি সমারে কধা কোইয়্যে, মাত্তর্ সে মানুচ্চো কুত্তুন্ এচ্চ্যে সিয়েন্ আমি কোই ন-পারিই।”

প্রেরিত্‌ 8:33

তে অগমান্ অলঅ, তা উগুরে ন্যায় বিচের গরা ন-অয়। তা গুট্টির্ কধা কনা সম্ভব নয়, কিয়া তা জিংকানিগান এ পিত্‌থিমীত্তুন্ নেযা ওইয়্যে।