যোহন 7:17 - Chakma Bible

¹⁷ যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

যোহন 7:17 ပူးပေါင်းရင်းမြစ်များ

গীতসংহিতা 119:10

মুই মনদি তরে বিজিরে চাঙর্ তরে জানিবাত্তে মনান্ আওজ্ গরের্; তর্ উগুমোর্ বারেন্দি যেবাত্তে মরে ন-দিচ্।

গীতসংহিতা 25:12

কন্না সেই মানুচ্চো, যে লগেপ্রভুরে ভোক্তি গরে? কন্ পথ্‌তান্ তাত্তুন্ বেঈ নেযা পড়িবো সিয়েন তুই তারে দেগেই দিবে।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

গম্ উপদেজ্ 3:32

কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 6:22

চোগ্ অলদে কিয়্যেগানর্ চেরাগ। সেনত্তে তঅ চোগ্‌কুন যুনি গম্ অয় সালে তর্ বেক কিয়্যেগান পহ্‌রে পরিপূরোণ অবঅ।

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

যোহন 3:21

মাত্তর্ যে সত্যর্ পধেদি আঢে তে পহ্‌রঅ ইধু এজে যেন তার্ কামানি যে গোজেনর্ আওজ্ মজিম্ গরা ওইয়্যে সিয়েনি ফগদাং পায়।”

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।