যোহন 7:16 - Chakma Bible

¹⁶ জোবত্ যীশু তারারে কলঅ, “মুই যে শিক্ষ্যেগান্ দুয়োং সিয়েন মর্ নিজোর্ নয়, মাত্তর্ যে মরে দিপাধেয়্যে, তার্।

যোহন 7:16 ပူးပေါင်းရင်းမြစ်များ

যোহন 14:10

তুই কি বিশ্বেজ্ ন-গরচ্ যে, মুই বাবা সমারে আঘং আর বাবা মঅ সমারে আঘে? যেদক্কানি কধা মুই তমারে কং সিয়েনি মুই নিজোত্তুন্ ন-কং, মাত্তর্ বাবা, যে মঅ সমারে আঘে, তেয়ই তা কামানি গরের্।

যোহন 14:24

যে মরে কোচ্‌ ন-পায় তে মঅ কধানি মানি ন-চলে। যে কধানি তুমি শুনোর্ সিয়েনি মঅ কধা নয় মাত্তর্ যে মরে দিপাধেয়্যে সেই বাবার্ কধা।

যোহন 17:14

তুই যিয়েনি কোইয়োচ্ মুই তারারে সিয়েনি জানেয়োং। জগদ মানুচ্চুনে তারারে ঈচ্ গোজ্যন্, কিয়া মুই যেধোক্ক্যেন্ এ জগদর্ নয় তারায়ো সেধোক্ক্যেন্ এ জগদর্ নয়।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:11

তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 3:31

যিবে উগুরেত্তুন্ এজে তে বেক্কুনো উগুরে। যিবে পিত্‌থিমীত্তুন্ এজে তে পিত্‌থিমীর, আর তে পিত্‌থিমীর কধা কয়। মাত্তর্ যে স্বর্গত্তুন্ এজে তেয়ই বেক্কুনো উগুরে।

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 6:44

মঅ বাপ্পো, যিবে মরে পাধেয়্যে তে টানি ন-আনিলে কনজনে মইধু এই ন-পারন্। আর মুয়ই তারে শেজ্ দিনোত্ জেদা গুরি তুলিম্।

যোহন 8:28

ইয়েনত্যে যীশু কলঅ, “যেক্কে তুমি মান্‌জ্যপুয়োবোরে অজলত্ তুলিবা সেক্কে বুঝি পারিবা, মুয়ই সিবে। আর ইয়েন্অ বুঝি পারিবা যে, মুই নিজোত্তুন্ কনকিজু ন-গরং, বরং বাবা মরে যে শিক্ষ্যেগান্ দিয়্যে মুই সে কধানি কং।

২ যোহন 1:9

যিগুনে খ্রীষ্টর্ দিয়্যে শিক্ষ্যে ন-পালান্ আর সেই শিক্ষ্যেলোই থিদেবর্ ন-থান তারা মনভিদিরে গোজেনে নেই। মাত্তর্ যে সেই শিক্ষ্যেলোই থির্ গুরি থায় তা মনভিদিরে বাবে আর পুয়োবো দ্বিয়োজনে আঘন্।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।