যোহন 7:15 - Chakma Bible

¹⁵ “এ মানুচ্চো কনঅ শিক্ষ্যে ন-পেইনে কিবাবোত্যেগুরি ইয়েনি পৌইদ্যেনে কোই পারে?”

যোহন 7:15 ပူးပေါင်းရင်းမြစ်များ

যিশাইয় 29:12

বা যে পড়ি ন-জানে তারে বোইবো দিইনে যুনি কুয়ো অয়, “দোয়্যে গুরি ইবে পড়্,” সালে জোবত্ তে কবদে, “মুই পড়ি ন-জানং।”

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 22:22

এ কধাগান্ শুনিনে তারা আমক্ অলাক্ আর তারে ফেলেই গেলাক্।

মথি লেখ্যে গম্ হবর্ 22:33

এ কধাগান্ শুনিনে মানুচ্চুনে তা শিক্ষ্যেলোই আমক্ অলাক্।

লূকে লেখ্যে গম্ হবর্ 2:47

যিগুনে যীশুর্ কধা শুনোদন্ তারা বেক্কুনে তা বুদ্ধিগান্ দেগিনে আর তা জোব্‌পানি শুনিনে আমক্ ওইয়োন্।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 7:11

পরব সময়োত্ যিহূদী নেতাগুনে যীশুরে তগা ধুরিলাক্ আর কুয়ো ধুরিলাক্, “সে মানুচ্চো কুধু?”

যোহন 7:13

মাত্তর্ যিহূদী নেতাগুনোর্ দরে খুলোমেলা গুরি কনজনে তা পৌইদ্যেনে কিচ্চু ন-কলাক্।

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”

প্রেরিত্‌ 26:24

পৌলে এবাবোত্যেগুরি যেক্কে নিজো পক্ষে কধা কর্ সেক্কে ফীষ্ট তারে মানা গুরি রঅ ছাড়িনে কলঅ, “পৌল, তুই পাগল্ ওই যেয়োচ্। তুই বোউত্ পড়াশুনো গোজ্জ্যস্ আর সেই পড়াশুনোগানে তরে পাগল্ বানেয়্যে।”

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

১ শমূয়েল 10:11

যিগুনে শৌলরে আগেত্তুন্‌ ধুরি চিনিদাক্ তারা তারে ভাববাদীগুনো সমারে গোজেনর দিয়্যে কধা কদে দেগিনে একজন আরেকজনরে কুয়া ধুরিলাক্, “কীশর পূঅবোর ইয়েন কি অলঅ? শৌলেয়ো কি সালে ভাববাদীগুনো ভিদিরে একজন?”