যোহন 6:9 - Chakma Bible

⁹ আন্দ্রিয় যীশুরে কলঅ, “ইয়েনত্ এক্কো পুয়োর্ পাচ্চান্ মোক্ক্যে রুটি আর দ্বিবে মাছ আঘে; মাত্তর্ ইদুক্কুন্ মান্‌জ্যর সিগুন্দোই কি অবঅ?”

যোহন 6:9 ပူးပေါင်းရင်းမြစ်များ

১ রাজাবলী 4:28

রথর ঘোড়া আর অন্য ঘোড়াগুনোত্তে তারার পত্তিজনর কামর্‌ ভারান্ অনুসারে তারা জেদেনা আর ঘাস ঠিগ্ গোজ্যে জাগানত্‌ আনিদাক্।

২ রাজাবলী 7:1

ইলীশায় কলঅ, “লগেপ্রভু কি কোইয়্যে সিয়েন শুনো। তে কত্তে, এজেত্তে কেল্যে শমরিয়ার গেদোত্‌ বার গ্রাম রূবোলোই ছয় কেজি মোয়দে আর বার গ্রাম রূবোলোই বার কেজি কেজ্‌বিজি বেজা অবঅ।”

গীতসংহিতা 147:14

তঅ দুযিগানিত্ তেয়ই সুগ-শান্দি রাগায়, আর বেগত্তুন দোল্ গমবোই তরে আওজ্‌চান্ পুরেই দে।

গীতসংহিতা 78:19

তারা গোজেন বিরুদ্ধে এ কধাগান কলাক্, “গোজেনে কি ধূল্যেচর-চাগালাত্ হানা দিইনে টেবিল সাজেই পারে?

গীতসংহিতা 78:41

বার বার তারা গোজেনরে জগা চেইয়োন, ইস্রায়েলর সেই পবিত্র মানুচ্চোরে দুঘ্ দুয়োন।

গীতসংহিতা 81:16

মাত্তর্ ইস্রায়েলরে মুই বেগত্তুন্ দোল গম্ হেবাত্যে দিম; ঘেচ্ছেক্‌গুরি মুই তারারে পেত্ ভোরেই দিম সে মধুলোই যিয়েন মুড়োগুনোর্ ফাদা জাগাত্ পাহ্ যায়।”

যিহিষ্কেল 27:17

যিহূদা আর ইস্রায়েলে তঅ লগে বেবসা গুরিদো; তারা তঅ পযাপিরানির বদলে মিন্নীতের গম, হানার জিনিস, মধু, তেল আর তুম্বাজ মজলা দিদাক্।

মথি লেখ্যে গম্ হবর্ 14:17

শিচ্চ্যগুনে তারে কলাক্, “আমা ইধু পাচ্চান্ রুটি আর দ্বিবে মাছ বাদে আর কিচ্ছু নেই।”

মথি লেখ্যে গম্ হবর্ 16:9

তমার কি মনত্ ন-উদের্ যেক্কেনে মুই সেই পাচ্ আজার্ মান্‌জ্যত্তে পাচ্চান্ রুটি ভাঙ্যং আর সে পরেদি কয় কারাং তুমি ভোরেয়ো?

মার্ক 6:38

যীশু কলঅ, “তমা ইধু কয়ান্ রুটি আঘে যেইনে চঅ।” শিচ্চ্যগুনে চেই এইনে তারে কলাক্, “পাচ্চান্ রুটি আর দ্বিবে মাছ আঘে।”

মার্ক 8:19

যেক্কেনে মুই পাচ্ আজার্ মান্‌জ্যত্তে পাচ্চান্ রুটি ভাঙ্যং সেক্কে কয় লেই রুটির কট্টা তুমি কুড়েয়ো?” শিচ্চ্যগুনে জোব্ দিলাক্, “বার লেই।”

লূকে লেখ্যে গম্ হবর্ 9:13

যীশু তারারে কলঅ, “তুমি নিজেই তারারে কিজু হেবাত্তে দুয়ো।” তারা কলাক্, “মাত্তর্ আমা ইধু বানা পাচ্চান্ রুটি আর দ্বিবে মাছ বাদে আর কিচ্ছু নেই। বানা আমি যুদি যেইনে এই বেক্ মানুচ্চুনোত্তে হানা কিনি আনি পারিদোং সেক্কে তে তারারে হাবেই পারিদোং।”

যোহন 11:21

মার্থা যীশুরে কলঅ, “প্রভু, তুই যুনি ইধু থেদে সালে মঅ ভেইবো মুরি ন-যেদঅ।

যোহন 11:32

যীশু যিয়েনত্ এলঅ মরিয়মে সিয়েনত্ গেলঅ আর তারে দেগিনে তা টেঙ উগুরে পুড়িনে কলঅ, “প্রভু, তুই যুনি ইধু থেদে সালে মঅ ভেইবো ন-মত্ত।”

যোহন 21:10

সেক্কে যীশু তারারে কলঅ, “ইক্কিনে যে মাছ্‌চুন্ ধুরিলা সিগুনোত্তুন্ কয়েক্কো আনঅ।”

যোহন 21:13

পরেদি যীশু এইনে রুটি লোইনে তারারে দিলো, আর সেবাবোত্যেগুরি মাছ্অ দিলো।

যোহন 21:9

কুলো-চরত্ লামি এইনে তারা গাজ আঙারার্ আগুন আর আগুনো উগুরে মাছ দেগিলাক্; সিয়েনত্ রুটিয়ো এলঅ।

যোহন 6:11

ইয়েন পরেদি যীশু সেই রুটি কয়েক্কান লোইনে গোজেনরে ভালেদি জানেল আর যিগুনে বৈই এলাক্ সিগুনোরে ভাগ্ গুরি দিলাক্। সেবাবোত্যেগুরি তে মাছ-অ দিলো। যে যেদক্ মাগিলাক্ সেদ্ক্ পেলাক্।

যোহন 6:7

ফিলিপে জোব্ দিলো, “ইগুনে যুনি পত্তি জনে এক্কেনা গুরিয়ো পান্ তো দ্বিশত্ দীনারর্ রুটিয়েয়ো ন-কুলেব।”

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।

ফগদাং পেইয়্যে 6:6

আর মুই সেই চের্‌বো জেদা পরাণবলাগুনোর্ সংমধ্যে কাররে কধে শুনিলুং, “এক্কো কামগুরিয়্যের্ এক দিনোর আয় বানা এক সের্ গম বা তিন সের্ কেচ্‌বিজি পাহ্ যায়। তেল আর আঙ্গুর-রচ্‌‌সান তুই বর্‌বাদ ন-গুরিচ।”