যোহন 6:70 - Chakma Bible

⁷⁰ সেক্কে যীশু তারারে কলঅ, “মুই তমা বার জনরে কি বেঈ ন-নেযাং? অদচ তমা ভিদিরে এক্কো শত্রু আঘে।”

যোহন 6:70 ပူးပေါင်းရင်းမြစ်များ

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

যোহন 13:21

এ বেক্‌ কধানি কনার্ পরেদি যীশু মনান্ থির্ নেইয়্যে অলঅ। তে খুলোমেলাগুরি কলঅ, “মুই তমারে ঘেচ্চেক্‌গুরি কঙর্, তমাত্তুন্ একজনে মরে শত্রুগুনো আঢত্ ধুরি দিবো।”

যোহন 13:27

রুটির্ কট্টাগান্ লনার্ পরেদি শদানে যিহূদা ভিদিরে সোমেল। যীশু তারে কলঅ, “যিয়েন্ গুরিবে যাদিমাদি গর্‌।”

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:19

যুনি তুমি এ জগদর্ অদা সালে মানুচ্চুনে তারারে নিজোর্ বিলি তমারে কোচ্‌পেদাক্। মাত্তর্ তুমি এ জগদর্ নয়, বরং মুই তমারে জগদ ভিদিরেত্তুন্ বেঈ লোইয়োং কিনেই জগদ মানুচ্চুনে তমারে ঘিনান্।

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 2:2

সে মেলাত্ যীশু আর তা শিচ্চ্যগুনেয়ো বাত্যেয়োন।

যোহন 20:24

যীশু যেক্কে এচ্চ্যে সেক্কে থোমা নাঙে সেই বারজন শিচ্চ্য ভিদিরে এক্কো তারা সমারে ন-এলঅ। এই থোমারে দিদুম কুয়ো অদঅ।

যোহন 6:64

মাত্তর্ তমা ভিদিরে এমন্‌ কেঅ কেঅ আঘন্ যিগুনে মরে বিশ্বেজ্ ন-গরন্।” কন্না কন্না যীশুরে বিশ্বেজ্ ন-গরন্ আর কন্না বা তারে শত্রুগুনো আঢত্ ধুরি দিবো, যীশু পৌইল্যেত্তুন্ ধুরি সিয়েন্ হবর্ পেদঅ।

যোহন 6:67

ইয়েনত্তে যীশু সেই বারজন শিচ্চ্যরে কলঅ, “তুমিয়ো কি যেবাত্যে চঅ?”

যোহন 6:71

ইয়েনত্ যীশু শিমোন ইষ্কারিয়োতর্ পুয়ো যিহূদার্ কধা কোইয়্যে, কিয়া তেয়ই যেরেদি যীশুরে ধুরি দিবো। তে এলদে সেই বারজন ভিদিরে একজন।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

প্রেরিত্‌ 1:17

তে আমাত্তুন্ একজন এলঅ আর আমা সমারে কাম্ গুরিবাত্যে তারে বেঈ নেযা ওইয়্যে।”

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।