যোহন 6:52 - Chakma Bible

⁵² এ কধাগান্ শুনিনে যিহূদী নেতাগুনো ভিদিরে তর্কাতুর্কি আরাম্ভ অলঅ। তারা কুয়ো ধুরিলাক্, “কিবাবোত্যেগুরি এ মানুচ্চো তা কিয়্যেগান্ আমারে হেবাত্তে দি পারে?”

যোহন 6:52 ပူးပေါင်းရင်းမြစ်များ

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 10:19

যীশুর্ এ কধাগানত্যে যিহূদীগুনো ভিদিরে আরঅ কধার্ অমিল্ দেগা দিলো।

যোহন 3:4

সেক্কে নীকদীম তারে কলঅ, “মানুচ্‌ বুড়ো ওই গেলে কিবাবোত্যে গুরি তার্ আরঅ জর্ম ওই পারে? দ্বিবার্ মা পেদত্ ফিরি যেইনে তে কি আরঅ জর্ম লোই পারে?”

যোহন 3:9

নীকদীম যীশুরে পুযোর্ গুরিলো, “ইয়েন্ কেধোক্ক্যেন্ গুরি ওই পারে?”

যোহন 4:11

মিলেবো কলঅ, “মাত্তর্ তত্তুন্ পানি তুলিবাত্যে কিচ্চু নেই আর কূয়োবোয়ো গভীন্। সালে সেই জেদা পানিগান্ কুত্তুন্ পেলে?

যোহন 6:41

সেক্কে যিহূদী নেতাগুনে যীশু বিরুদ্ধে বক্‌বক্ গরা ধুরিলাক্, কিয়া যীশু কোইয়্যেদে, “স্বর্গত্তুন্ যে রুটিগান্ লামি এচ্চ্যে মুয়ই সেই রুটিগান্।”

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।