যোহন 6:50 - Chakma Bible

⁵⁰ মাত্তর্ ইয়েন সেই রুটি যিয়েন্ স্বর্গত্তুন্ লামি এচ্চ্যে, যাতে মানুচ্‌ সিয়েন্ হেইনে মরণত্তুন্ রেহায় পান্।

যোহন 6:50 ပူးပေါင်းရင်းမြစ်များ

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:42

সেই নেতাগুনে কুয়ো ধুরিলাক্, “ইবে কি যোষেফর্ পুয়ো যীশু নয়? ইবের্ মা-বাবরে দঅ আমি চিনিই। সালে তে কেধোক্ক্যেন্‌গুরি কয়, ‘মুই স্বর্গত্তুন্ লামি এচ্চ্যং’?”

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

যোহন 8:51

মুই তমারে ঘেচ্চ্যেক্‌গুরি কঙর্, কেঅ যুনি মঅ কধা মজিম চলন্ সালে তে কনদিন্অ ন-মুরিবো।”

রোমীয় 8:10

মাত্তর্ খ্রীষ্ট যুনি তমা মনত্ থায় সালে পাপত্যে তমা কিয়্যেগানি উগুরে মরণানে কাম গুরি থেলেয়ো তমা আত্মাগানি জেদা, কারন গোজেনে তমারে নিদ্দুজি বিলি মানি লোইয়্যে।