যোহন 6:46 - Chakma Bible

⁴⁶ বাবারে কনজনে ন-দেগন্, বানা যে গোজেনত্তুন্ এচ্চ্যে তেয়ই তারে দেক্ক্যে।

যোহন 6:46 ပူးပေါင်းရင်းမြစ်များ

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 14:7

তুমি যুনি মরে হবর্ পেদা সালে মঅ বাবারেয়ো হবর্ পেদা। ইক্কিনে তুমি তারে হবর্ পেইয়ো আর তারে দেক্কোয়ো।”

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 5:37

সে বাপ্পো, যে মরে পাধেয়্যে, তে নিজে মঅ পৌইদ্যেনে সাক্ষ্য দিয়্যে। তুমি কনদিন্অ তা রবুয়ো ন-শুনো, চেঙেরায়ো ন-দেগঅ।

যোহন 7:29

তারে তুমি হবর্ ন-পঅ মাত্তর্ মুই হবর্ পাং, কিয়া মুই তাত্তুন্ এচ্চ্যং আর তে মরে পাধেয়্যে।”

যোহন 8:19

ফরীশীগুনে তারে কলাক্, “তঅ বাবা কুধু?” যীশু জোব্ দিলো, “তুমি মরেয়ো ন-চিনো আর মঅ বাবারেয়ো ন-চিনো। যুনি মরে চিনিদা সালে মঅ বাবারেয়ো হবর্ পেদা।”

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।