যোহন 6:39 - Chakma Bible

³⁹ যে মরে দিপাধেয়্যে তা আওজ্‌চান্ ইয়েন, যিগুনোরে তে মরে দিয়্যে তারাত্তুন্ একজনরেয়ো যেন মুই ন-আঝাং বরং শেজ্ দিনোত্ জেদা গুরি তুলোং।

যোহন 6:39 ပူးပေါင်းရင်းမြစ်များ

যিরমিয় 23:4

মুই তারা উগুরে এমন পালক্‌কুনোরে নেযেম যিগুনে তারারে দেগাশুনো গুরিবাক্; মর্ ভেড়াগুনে আর ন-দোরেবাক্ বা আগল্ পাগল্ ন-অবাক বা কনবো আযি ন-যেবাক্। মুই লগেপ্রভু এ কধাগান কঙর্‍।”

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 18:14

ঠিগ্ সেবাবোত্যেগুরি, তমা স্বর্গর্ বাপ্পোর্ আওজ্ নয় যে, এ চিগোন্ গুরোগুনো ভিদিরে একজন্অ বর্‌বাত্ যায়।

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 17:9

মুই বেক্কুনোত্তে কোজোলী ন-গরঙর্, মাত্তর্ যিগুনোরে তুই মঅ আদত্ দুয়োচ্ তারাত্যে কোজোলি গরঙর্, কিয়া তারা দঅ তরই।

যোহন 18:9

ইয়েন্ ঘুদিলো যেন যীশুর কোইয়্যে এ কধাগান্ পূরোণ্ অয়, “যিগুনোরে তুই মরে দুয়োচ্ তারারে একজনরেয়ো মুই ন-আযাং।”

যোহন 5:28

এ কধাগান্ শুনিনে আমক্ ন-অবা, কিয়া এন্ অক্ত এজের্, যিগুনে গোরত্ আঘন্ সিগুনে বেক্কুনে মান্‌জ্যপুয়োবোর্ কধা রঅ শুনিনে নিগিলি এবাক্।

যোহন 6:37

বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:44

মঅ বাপ্পো, যিবে মরে পাধেয়্যে তে টানি ন-আনিলে কনজনে মইধু এই ন-পারন্। আর মুয়ই তারে শেজ্ দিনোত্ জেদা গুরি তুলিম্।

যোহন 6:54

যুনি কেঅ মর্ য়েরাগান্ আর লো-গান্ খায় তে উমর্‌অ জিংকানি পায়, আর মুই শেজ্ দিনোত্ তারে জেদা গুরি তুলিম্।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

১ করিন্হীয় 6:14

গোজেনে তা খেমতালোই যীশুরে মরণত্তুন্ জেদা গোজ্জ্যে আর তে আমারেয়ো জেদা গুরিবো।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

যাকোব 5:15

বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

১ শমূয়েল 25:29

মর্‌ গিরোজ্‌সোরে মারে ফেলেবাত্তে মান্‌জ্যে লোড়েলেয়ো মুই হবর্‌ পাং তার্‌ পরাণান তার্‌ গোজেন লগেপ্রভুর ধনভান্ডালত্‌ যত্তন্‌ গুরিনে থোইয়্যে আঘে। মাত্তর্‌ তর্‌ শত্রুগুনোর পরাণান তে ফিংগালোই পাত্তর্‌ মারেদে ধোক্ক্যেন গুরি ফেলেই দিবো।