যোহন 6:37 - Chakma Bible

³⁷ বাবা মরে যিগুনোরে দে তারা বেক্কুনে মঅ ইধু এবাক্। যে মইধু এজে মুই তারে কনবাবদে বারেদি ফেলেই ন-দিম্,

যোহন 6:37 ပူးပေါင်းရင်းမြစ်များ

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

যিশাইয় 41:9

মুই তরে পিত্‌থিমীর শেজ্ ধুজিত্তুন্ আন্যং, তরে বেগ দূরো জাগাত্তুন্ ডাগি আন্যং। মুই কোইয়োঙে, তুই মর্ চাগর্; মুই তরে বেঈ লোইয়োং, এলাফেলা ন-গরং।‌

যিশাইয় 42:3

তে বুদি যেইয়্যে নলুন্ ন-ভাঙিবো আর মরা মরা গুরি জ্বলেদে বাবোত্যে ফিতেগানি ন-মারেব। তে গমেডালে ন্যায়বিচের্ গুরিবো।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 6:39

যে মরে দিপাধেয়্যে তা আওজ্‌চান্ ইয়েন, যিগুনোরে তে মরে দিয়্যে তারাত্তুন্ একজনরেয়ো যেন মুই ন-আঝাং বরং শেজ্ দিনোত্ জেদা গুরি তুলোং।

যোহন 6:65

সেনত্তে তে কলঅ, “মুই তমারে কোইয়োং, বাবা বল্ ন-দিলে কনজনে মইধু এই ন-পারন্।”

যোহন 9:34

জোবত্ নেতাগুনে কলাক্, “তর্ জর্ম ওইয়্যেদে এক্কুবারে পাপত্তুন্, আর তুই আমারে শিক্ষ্যে দুয়োর্?” ইয়েন্ কোইনে তারা তারে সমাজত্তুন্ নিগিলেই দিলাক্।

রোমীয় 5:20

রীদি-সুদোম দিয়্যে অলঅ যাতে অন্যেয় বাড়ি যায়, মাত্তর্ যিয়েনত্ অন্যেয় বাড়িলো সিয়েনত্ গোজেনর্ দোয়্যেও বজমান্ বাড়িলো।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।