যোহন 6:32 - Chakma Bible

³² যীশু তারারে কলঅ, “মুই তমারে ঘেচ্চ্যেক্‌গুরি কঙর্, স্বর্গত্তুন্ যে রুটিগানি তুমি পেইয়ো সিয়েনি মোশি তমারে ন-দে, মাত্তর্ মঅ বাপ্পো আঝল্ রুটি স্বর্গত্তুন্ তমারে দের্।

যোহন 6:32 ပူးပေါင်းရင်းမြစ်များ

গীতসংহিতা 78:23

তো তে উগুরে দেবাবোরে উগুম দিলো আর দেবাবোর দোরান্ খুলি দিলো।

যাত্রা 16:4

সেক্কে লগেপ্রভু মোশিরে কলঅ‌, “মুই এধোক্ক্যেন গুরিম্‌ যেনে তমাত্যেই স্বর্গত্তুন্‌ ঝড় ধোক্ক্যেন গুরি হেবার্‌ জিনিস্‌ ঝুরি পড়ে। মানুচ্চুনে দিন্‌মাগেনে বারেন্দি যেইনেই সিয়োত্তুন্‌ বানা সে দিনোর্‌ খানাগান কুরেই আনিবাক্। তারা মর্‌ উগুমো ধোক্ক্যেন চুলিবাক্‌ কিনা সিয়েন মুই তারারে যগা চেইম্‌।

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 15:1

মুয়ই আজল্ আংগুর্ গাজ্ আর মঅ বাপ্পো গিরোজ্।

যোহন 6:31

আমা পূরোণি মানুচ্চুনে দঅ ধূল্যেচর-চাগালাত্ মান্না হেইয়োন্। পবিত্র বোইবোত্ লেগা আঘে, ‘গোজেনে স্বর্গত্তুন্ তারারে রুটি হেবাত্তে দিলো।’ ”

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:41

সেক্কে যিহূদী নেতাগুনে যীশু বিরুদ্ধে বক্‌বক্ গরা ধুরিলাক্, কিয়া যীশু কোইয়্যেদে, “স্বর্গত্তুন্ যে রুটিগান্ লামি এচ্চ্যে মুয়ই সেই রুটিগান্।”

যোহন 6:50

মাত্তর্ ইয়েন সেই রুটি যিয়েন্ স্বর্গত্তুন্ লামি এচ্চ্যে, যাতে মানুচ্‌ সিয়েন্ হেইনে মরণত্তুন্ রেহায় পান্।

যোহন 6:55

মঅ য়েরাগান্ অলঅ আজল্ হানা আর মঅ লো-গান আজল্ হেবার্ পানীয়।

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।