যোহন 6:31 - Chakma Bible

³¹ আমা পূরোণি মানুচ্চুনে দঅ ধূল্যেচর-চাগালাত্ মান্না হেইয়োন্। পবিত্র বোইবোত্ লেগা আঘে, ‘গোজেনে স্বর্গত্তুন্ তারারে রুটি হেবাত্তে দিলো।’ ”

যোহন 6:31 ပူးပေါင်းရင်းမြစ်များ

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

নহিমিয় 9:20

তুই তারারে শিক্ষ্যে দিবাত্তে তর্‌ মংগলময় আত্মাবোরে দান গোজ্যস্‌। তারার্‌ হানা-দানাত্তে তুই যে মান্না দুয়োচ্‌ সিয়েনি বন্ধ গুরি ন-দুয়োচ্‌; তুই তারারে পানিতিরেজ্ কাদেবাত্তে পানি দুয়োচ্‌।

গীতসংহিতা 105:40

তারা হানা চেইয়োন বিলিনে তে তারারে ভারুই পেক্ আনি দিলো; স্বর্গত্তুন্ রুটিলোই তারারে পেট্ ভোরেই দিলো।

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

যোহন 6:32

যীশু তারারে কলঅ, “মুই তমারে ঘেচ্চ্যেক্‌গুরি কঙর্, স্বর্গত্তুন্ যে রুটিগানি তুমি পেইয়ো সিয়েনি মোশি তমারে ন-দে, মাত্তর্ মঅ বাপ্পো আঝল্ রুটি স্বর্গত্তুন্ তমারে দের্।

যোহন 6:49

তমা পূরোণি মানুচ্চুনে ধূল্যেচর-চাগালাত্ মান্না হেইয়োন্, আর তো তারা মুরি যেয়োন্।

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

১ করিন্হীয় 10:3

গোজেনর্ দিয়্যে সেই এক্কুই হানা আর সেই এক্কুই পানি তারা বেক্কুনে হেইয়োন্। গোজেনর্ দিয়্যে যে শিল্লো তারা সমারে সমারে যার্ সিবেত্তুন্ তারা হেবাত্যে পানি পেদাক্; আর খ্রীষ্টই এলদে সেই শিল্লো।

দ্বি’লম্বর বিররণ 8:3

পেত্‌পুড়োনার দুঘ দিইনে আর যে মান্নার্‌ কধা তমারে আর তমার পুরোণি মানুচ্চুনোর্‌ অজানা এলঅ সিয়েন্‌ খাবেইনে তে তমার বাড়্ গরানাগানি ভাঙি দিয়্যে। ইয়েন্দোই তে তমারে এ শিক্ষ্যেগান্‌ দিবাত্তে চেয়্যেদে, মান্‌জ্যে বানা পিদেলোই ন-বাঁজন, মাত্তর্‌ লগেপ্রভুর্‌ মুয়োর্‌ এক্‌ এক্কান কধালোই বাঁজন্‌।

যিহোশূয় 5:12

যেদিন্যে তারা সে দেজর হানা হেলাক্‌ তার্‌কেল্যে দিন্নোত্তুন ধুরি মান্না পড়ানা বন্ধ ওই গেলঅ‌। ইয়েনর্ পরেন্দি ইস্রায়েলীয়গুনে আর মান্না ন-পান্‌। সে বজরত্তুন ধুরি তারা কনান দেজর ফসল হা ধুরিলাক্‌।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।