যোহন 6:27 - Chakma Bible

²⁷ মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:27 ပူးပေါင်းရင်းမြစ်များ

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

গীতসংহিতা 40:7

সেনত্তে মুই কোইয়োং, “এইয়্যে দঅ মুই এচ্যং; পবিত্র বাইবেলত মর্ এজানার পৌইদ্যেনে লেগা আঘে।

গম্ উপদেজ্ 9:5

“এজ, মঅ হানাগান্ হঅ, মর্ মজলা মিজেয়্যে আংগুর-রস হঅ;

উপদেশক 6:7

মান্‌জ্যর বেক্ কাম্ গরানাগানি তারার্ পেদত্তে, তো তার্ পেট্ পুরোনা কনদিন্অ মন্ ন-ভরে।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মথি লেখ্যে গম্ হবর্ 6:19

এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

মার্ক 1:11

সে অক্তত্ স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পেইয়্যে পুয়ো, তঅ উগুরে মুই অমকদ হুজি।”

মার্ক 9:7

সে পরেদি এক্কান মেঘ এইনে তারারে ছাবালোই নাঢি ফেলেল, আর সে মেঘ্‌‌কানত্তুন্ এ কধাগান শুনো গেলঅ, “ইবে মর্ কোচ্‌‌পেইয়্যে পুয়ো, তুমি ইবে কধা শুনো।”

লূকে লেখ্যে গম্ হবর্ 3:22

সে অক্তত্ পবিত্র আত্মা কোদোর ধোক্ক্যেন্ গুরি তা উগুরে লামি এলঅ, আর স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পানার্ পুয়ো, তঅ উগুরে মুই অমকদ হুজি।”

লূকে লেখ্যে গম্ হবর্ 9:35

সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ পুয়ো যিবেরে মুই বেঈ লোইয়োং; তুমি ইবে কধা শুনো।”

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 3:15

যেন যে কেঅ তা উগুরে বিশ্বেজ্ গরে তে উমর জিংকানি পায়।

যোহন 3:33

যে তার্ সাক্ষ্য গ্রাজ্য গোজ্যে তে তারে দিইনে প্রমাণ গোজ্যে যে, গোজেনে যিয়েন্ কয় সিয়েন্ সত্য।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

যোহন 6:53

যীশু তারারে কলঅ, “মুই তমারে ঘেচ্চ্যেক্‌গুরি কঙর্, মান্‌জ্যপুয়োবোর্ য়েরাগান্ আর লো-গান্ যুনি তুমি ন-খঅ সালে তমা ভিদিরে জিংকানি নেই।

যোহন 6:54

যুনি কেঅ মর্ য়েরাগান্ আর লো-গান্ খায় তে উমর্‌অ জিংকানি পায়, আর মুই শেজ্ দিনোত্ তারে জেদা গুরি তুলিম্।

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

যোহন 6:62

সালে মান্‌জ্যপুয়োবো আগেদি যিধু এলঅ তারে সিধু উদি যাদে দেগিলে তুমি কি কবা?

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

যোহন 8:18

মুয়ই মর্ নিজোর্ পক্ষে সাক্ষ্য দুয়োং, আর যে মরে পাধেয়্যে সেই বাবায়ো মঅ পক্ষে সাক্ষী দে।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

রোমীয় 4:11

চুনু মাঢাবো চামান ন-কাপ্যে অবস্থায় বিশ্বেজত্তে যে গোজেনে তারে নিদ্দুজি বিলি ধোজ্জ্যে তার চুনু মাঢাবো চামান কাবানা অলদে সিয়েনর্ প্রমাণ আর চিহ্নো। সালে দেগা যাত্তে, চুনু মাঢাবো চামান কাবা ন-অলেয়ো বানা বিশ্বেজত্তে যিগুনোরে নিদ্দুজি বিলি মানি লুয়ো ওইয়্যে, অব্রাহামে তারার্ বেক্কুনোর্ বাপ্।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 9:2

অন্যগুনে যুনি মরে প্রচারক্ বিলিনে স্বীগের্ নয়ো-গরন্ তো তুমি অন্তত: সিয়েন স্বীগের্ গুরিবা। তুমি যে প্রভুর্ মানুচ্‌ ওইয়ো সিয়েনই মর্ প্রচারক্-পদর্ প্রমাণ।

২ করিন্হীয় 4:18

যিয়েন দেগা যায় আমি সিয়েন ইন্দি ন-চেইর্, বরং যিয়েন দেগা ন-যায় সিয়েন ইন্দি রিনি চেইর্। যিয়েন দেগা যায় সিয়েন কয়েক দিনোত্যে, মাত্তর্ যিয়েন দেগা ন-যায় সিয়েন উমরত্যে।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

দ্বি’লম্বর বিররণ 30:13

ইয়েন সাগর উপারর্‌ কনঅ জিনিসঅ নয় যে, তুমি কবাদে, কন্না বড়গাঙান পার ওই যেইনে সিয়েন আনিনে আমারে শুনেব যেনে আমি সিয়েন পালন গুরি পারিই?

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

কলসীয় 3:2

সংসার পৌইদ্যেনে মনযোগ ন-দিইনে বরং স্বর্গীয় পৌইদ্যেনে মনযোগ দুয়ো।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 12:16

চঅ, কেঅ যেন এষৌ ধোক্ক্যেন নীতি নেইয়্যে বা গোজেন উগুরে ভোক্তি নেইয়্যে ন-অন্। এষৌ এক সাচ্ হানাত্যে দাঙর্ পুয়োবোর্ অধিকারান্ বেজি দিয়্যে।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

১ পিতর 1:24

পবিত্র বোইবোত্ লেগা আঘে, বেক্ মানুচ্চুন ঘাস ধোক্ক্যেন, আর ঘাস ফুলো ধোক্ক্যেন তারার্ বেক দোলান্; ঘাস শুগেই যায়, আর ফুল্অ ঝরি যায়,

২ পিতর 1:17

“ইবে মর্ কোচ্‌পেইয়্যে‌ পুয়ো, ইবে উগুরে মুই ভারী হুজী,” স্বর্গত্তুন্ কোইয়্যে এই কধাগান্দোই খ্রীষ্ট বাবা গোজেনত্তুন্ সর্মান আর বাঈনী পেইয়্যে।