যোহন 6:2 - Chakma Bible

² সয়-সাগোজ্যে মানুচ্‌ যীশুর্ পিযে পিযে যাহ্ ধল্ল্যাক্, কিয়া পিড়েল্ল্যেগুনো উগুরে তে যে চিহ্নো ইজেবে যেদক্কানি আমক্ অবার্ কাম্ গোজ্যে তারা সিয়েনি দেক্ক্যন্।

যোহন 6:2 ပူးပေါင်းရင်းမြစ်များ

মথি লেখ্যে গম্ হবর্ 12:15

সেই সল্লাগান পৌইদ্যেনে হবর্ পেইনে যীশু সিয়েনত্তুন গেলগোই। সেক্কে বোউত্ মানুচ্ তা পিজে পিজে গেলাক্।

মথি লেখ্যে গম্ হবর্ 13:2

তাইদু বোউত্ মানুচ্ এইনে তুবেলাক্, তে এক্কান্ নৌকোত্ উদিনে বুজিলো, আর বেক্ মানুচ্চুনে সাগর পারত্ থিয়্যেই রলাক্।

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 8:1

যীশু যেক্কে মুড়োত্তুন্ লামি এলঅ সেক্কে বোউত্ মানুচ্ তা পিজে পিজে গেলাক্।

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 6:33

তারারে যাদে দেগিনে ভালোক্কুন্ মান্‌জ্যে তারারে চিনি পারিলাক্ আর কায়কুরে আদামত্তুন্ দাবা যেইনে তারার্ আগেদি সিয়েনত্ লুমিলাক্।

যোহন 11:47

সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

যোহন 12:18

সেনত্তে মানুচ্চুনে যীশুরে অাগ্‌বারেই আনিবাত্যে যেয়োন্, কিয়া তারা শুন্ন্যন্‌দে যীশুই সেই আমক্ অবার্ কামান্ গোজ্যে।

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 20:30

যীশু শিচ্চ্যগুনো মুজুঙোত্ চিহ্নো ইজেবে আরঅ ভালোক্কানি আমক্ অবার্ কাম্ গোজ্যে; সিয়েনি এ বোইবোত্ লেগা ন-অয়।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 6:14

যীশুর এ আমক্ কামানি দেগিনে মানুচ্চুনে কুয়ো ধল্ল্যাক্, “পিত্‌থিমীত্ যে ভাববাদীবোর্ এবার্ কধা আঘে ইবে ঘেচ্চেক্‌‌গুরি সেই ভাববাদীবো।”

যোহন 6:22

সাগর উকুলে যে মানুচ্চুনে থিয়েই এলাক্, তার্ কেল্যে তারা বুঝি পারিলাক্, তার্ আগ দিনোত্ সিধু এক্কান্ নঅ বাদে আর অন্য কনঅ নঅ ন-এলঅ। তারা আরঅ বুঝি পারিলাক্, যীশু তা শিচ্চ্যগুনো সমারে সে নগানত্ ন-উদে বরং শিচ্চ্যগুনে গায় গায় যেয়োন্।

যোহন 6:26

যীশু জোব্ দিলো, মুই তমারে ঘেচ্চ্যেক্‌গুরি কঙর্, তুমি আমক্ অবার্ কাম্ দেক্ক্য বিলি যে মরে তগর্ সিয়েন নয়, মাত্তর্ পেট্ ভরে সং রুটি হেই পেইয়ো বিলি তগর্।

যোহন 6:30

সেক্কে তারা তারে পুযোর্ গুরিলাক্, “সালে কি এমন আমক্ অইদ্যে কাম্ তুই গুরিবে যিয়েন্ দেগিনে আমি তরে বিশ্বেজ্ গুরি পারিই?