যোহন 5:45 - Chakma Bible

⁴⁵ মনে ন-গোজ্য যে, বাবা ইধু মুই তমারে দুষি গুরিম্; মাত্তর্ যে মোশি উগুরে তুমি আজা গুরি আগঅ সেই মোশিই তমারে দুষি গরের্।

যোহন 5:45 ပူးပေါင်းရင်းမြစ်များ

লূকে লেখ্যে গম্ হবর্ 16:29

মাত্তর্ অব্রাহামে কলঅ, মোশি আর ভাববাদীগুনোর্ লেখ্যে বোই দঅ তারা ইধু আঘে। সিগুনে তারা কধাত্ মনযোগ্ দেদোক্।

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 8:9

এ কধাগান্ শুনিনে সেই ধর্ম নেতাগুনো ভিদিরে বুড়োগুনোত্তুন্ ধুরি আরাম্ভ গুরিনে একজন একজন গুরি বেক্কুনে গেলাক্। যীশু বানা গায় গায় রলঅ আর সে মিলেবো তা মুজুঙোত্ থিয়্যেই এলঅ।

রোমীয় 2:12

মোশির রীদি-সুদোমর্ বারেদি থেইনে যিগুনে পাপ্ গরন্ তারা রীদি-সুদোম বাদে ভস্ত অবাক্। মাত্তর্ যিগুনে রীদি-সুদোম ভিদিরে থেইনে পাপ্ গরন্ তারার্ বিচের্ রীদি-সুদোমবোই অবঅ।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।