যোহন 5:42 - Chakma Bible

⁴² মাত্তর্ মুই তমারে হবর্ পাং। মুই হবর্ পাং তমা মনানিত্ গোজেন ইন্দি কোচ্‌পানা নেই।

যোহন 5:42 ပူးပေါင်းရင်းမြစ်များ

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

যোহন 2:25

মান্‌জ্য পৌইদ্যেনে কারঅ সাক্ষির দরকার্‌অ তার ন-এলঅ, কিয়া মান্‌জ্য মনত্ যিয়েনি আঘে সিয়েনি তার্ জানা এলঅ।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

যোহন 5:41

“মুই মান্‌জ্যর্ বাঈনী পেবাত্তে চেট্ট্যা ন-গরং,

যোহন 5:43

মুই মর্ বাবা নাঙে এচ্চ্যং আর তুমি মরে মানি ন-লর্; মাত্তর্ অন্য কেঅ যুনি তা নিজো নাঙে এজে তারে তুমি মানি লবা।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

১ যোহন 2:15

তুমি জগদ আর জগদর্ কনঅ কিচ্চু কোচ্‌ ন-পেইয়ো। যুনি কেঅ জগদ্‌তানরে কোচ্‌পঅ সালে তে বাবারে কোচ্‌ ন-পায়।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।