যোহন 5:39 - Chakma Bible

³⁹ তুমি পবিত্র বোইবো ভারী মনযোগ্ দিইনে পড়অ, কিয়া তুমি মনে গরঅ সিবেলোই উমর্‌অ জিংকানি পেবা। মাত্তর্ সে বোইবো দঅ মত্যেই সাক্ষ্য দে;

যোহন 5:39 ပူးပေါင်းရင်းမြစ်များ

গীতসংহিতা 1:2

বানা লগেপ্রভুর রীদি-সুদোমেই তার্ হুজি, আর সিয়েন তার্ দিনো-রেদোর্ ধ্যান।

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 21:4

তে তইদু জিংকানি চেইয়্যে, আর তুই তারে সিয়েন দুয়োচ্; তুই তারে বোউত্ আয়ু দুয়োচ্।

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

যিশাইয় 34:16

তুমি লগেপ্রভুর বোইবোত্ তোগেই চঅ আর পড়। সিয়োত্ লেগা আগেদে-ইগুনোত্তুন্ এক্কোয়ো আজিই ন-যেবঅ, এক্কোর্‌অ সমাজ্যের্ অভাব ন-অবঅ; কিত্তে মঅ মুয়োদি লগেপ্রভু সেই উগুমান্ দিয়্যে, আর তা আত্মাগানে তারারে একলগে এগত্তর্ গুরিবো।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

মথি লেখ্যে গম্ হবর্ 22:29

যীশু তারারে কলঅ, “তুমি ভুল্ গরর্, কিয়া তুমি পবিত্র বোইয়ো ন-জানঅ, গোজেন খেমতার্ পৌইদ্যেনেয়ো ন-জানঅ।

মার্ক 10:3

যীশু তারারে কলঅ, “মোশি তমারে কি উগুম্ দিয়্যে?”

মার্ক 12:10

তুমি কি পবিত্র বোইবোত্ ন-পড়অ, ‘রাজমিস্ত্রিগুনে যে পাত্তর্‍‍‍বো বাদ্ দুয়োন সিবেয়ই বেগত্তুন্ দরকারী পাত্তর্ ওই উদিলো;

লূকে লেখ্যে গম্ হবর্ 16:29

মাত্তর্ অব্রাহামে কলঅ, মোশি আর ভাববাদীগুনোর্ লেখ্যে বোই দঅ তারা ইধু আঘে। সিগুনে তারা কধাত্ মনযোগ্ দেদোক্।

লূকে লেখ্যে গম্ হবর্ 16:31

“সেক্কে অব্রাহামে কলঅ, মোশি আর ভাববাদীগুনোর্ কধা যুনি তারা ন-শুনোন্ সালে মরাগুনোত্তুন্ কেঅ উদিলেয়ো তারা বিশ্বেজ্ ন-গুরিবাক্।”

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 1:45

ফিলিপ নথনেলরে তোগেই পেইনে কলঅ, “মোশি যিবে কধা রীদি-সুদোম লিগি যেইয়্যে আর যিবে পৌইদ্যেনে ভাববাদীগুনেয়ো লেখ্যন্ আমি তার্ দেগা পেইয়্যেই। তে যোষেফর্ পুয়ো যীশু, নাসরত আদাম মানুচ্‌।”

যোহন 5:32

অন্য একজন আঘে যিবে মঅ পৌইদ্যেনে সাক্ষ্য দের্, আর মুই কোই পারং মঅ পৌইদ্যেনে তে যে সাক্ষ্যগান্ দে সিয়েন্ সত্য।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 5:40

তো তুমি জিংকানি পেবাত্যে মইধু এবাত্তে ন-চঅ।

যোহন 5:46

যুনি তুমি মোশিরে বিশ্বেজ্ গত্তা সালে মরেয়ো বিশ্বেজ্ গত্তা, কিয়া মোশি দঅ মঅ পৌইদেনে লেক্ক্যে।

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 13:27

যিরূশালেম মানুচ্চুন আর তারার্ নেতাগুনে যীশুরে ন-চিনোন্। ইয়েন বাদেয়ো ভাববাদীগুনোর্ যে কধানি পত্তি জিরেবার্ দিনোত্ পড়া অয় সেই কধানি তারা ন-বুঝোন্; সেনত্তে তারা যীশুরে দুষী গুরিনে সেই কধাগান পূরোণ্ গোজ্জ্যন্।

প্রেরিত্‌ 17:11

থিষলনীকীর্ যিহূদীগুনোত্তুন্ বিরয়া শঅরর্ যিহূদীগুনো মনানি বোউৎ বেশ্ খুলোমেলা এলঅ। তারা জদবদে আওচ্ গুরিনে গোজেনর্ কধা শুনিনে সিয়েনি মানি ললাক্। পৌলে যিয়েনি কোইয়্যে সিয়েনি সত্য নাহি চেবাত্যে পত্তিদিন্ তারা বোইয়োত্ তোগেদাক্।

প্রেরিত্‌ 26:27

রাজা আগ্রিপ্প, তুই কি ভাববাদীগুনোর্ কধা বিশ্বেজ্ গরচ্? মুই কোই পারং তুই গরচ্।”

রোমীয় 1:2

গোজেনে তার্ ভাববাদীগুনোর্ মাধ্যমে পবিত্র বোইবো ভিদিরে আগেদি এ গম্ হবরানর্ এগেম্ গোজ্যে।

রোমীয় 3:2

বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।

দ্বি’লম্বর বিররণ 32:47

তমাত্যে ইয়েনি বাজে কধা নয়, ইয়েনি তমার জীংকানি। যর্দন গাঙান্‌ পার ওইনে তুমি যে দেজ্‌ছান গজক্ গুরিবাত্তে যর্ সিয়েনত্‌ এ কধানি পালেইনে তুমি ভালোক্‌ দিন বাঁজি থেই পারিবা।”

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 11:35

মিলেগুনে তারার্ মরা মানুচ্চুনোরে আরঅ জেদা অবস্থায় ফিরি পেইয়োন। অন্যগুনে নিজোর্ আওজ্ মজিম জেলোত্তুন্ ছড়ান্ পেলেয়ো আর দুঘোত্ ভুগ্‌কোন, যেনে তারা মরণত্তুন্ জেদা ওইনে আরঅ গম জিংকানির্ অধিকারী অন্।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”