যোহন 5:38 - Chakma Bible

³⁸ সিয়েন বাদে তা কধানি তমা মনত্ ন-থায়, কিয়া তে যিবেরে দিপাধেয়্যে তা উগুরে তুমি বিশ্বেজ্ ন-গরঅ।

যোহন 5:38 ပူးပေါင်းရင်းမြစ်များ

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 8:37

মুই হবর্ পাং তুমি অব্রাহাম বংশর মানুচ্, মাত্তর্ তো তুমি মরে মারে ফেলেবাত্তে চর্, কিয়া মঅ কধানি তমা মনত্ কনঅ জাগা ন-পায়।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

১ যোহন 2:14

পুয়ো-ঝিগুন্, মুই তমা ইধু লিগিলুং, কিয়া তুমি বাবা গোজেনরে জানঅ। বাবলগ্, মুই তমা ইধু লিগিলুং, কিয়া সেই পৌইল্যাত্তুন্ ধুরি যিবে আঘে তুমি তারে হবর্ পেইয়ো। গাবুজ্জ্যেলগ্, মুই তমা ইধু লিগিলুং, কিয়া তুমি বোলী আর গোজেন কধা তমা মন ভিদিরে আঘে, আর তুমি শদান উগুরে জিত্য।