যোহন 5:37 - Chakma Bible

³⁷ সে বাপ্পো, যে মরে পাধেয়্যে, তে নিজে মঅ পৌইদ্যেনে সাক্ষ্য দিয়্যে। তুমি কনদিন্অ তা রবুয়ো ন-শুনো, চেঙেরায়ো ন-দেগঅ।

যোহন 5:37 ပူးပေါင်းရင်းမြစ်များ

যাত্রা 20:19

তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মার্ক 1:11

সে অক্তত্ স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পেইয়্যে পুয়ো, তঅ উগুরে মুই অমকদ হুজি।”

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

লূকে লেখ্যে গম্ হবর্ 3:22

সে অক্তত্ পবিত্র আত্মা কোদোর ধোক্ক্যেন্ গুরি তা উগুরে লামি এলঅ, আর স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পানার্ পুয়ো, তঅ উগুরে মুই অমকদ হুজি।”

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 5:32

অন্য একজন আঘে যিবে মঅ পৌইদ্যেনে সাক্ষ্য দের্, আর মুই কোই পারং মঅ পৌইদ্যেনে তে যে সাক্ষ্যগান্ দে সিয়েন্ সত্য।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 8:18

মুয়ই মর্ নিজোর্ পক্ষে সাক্ষ্য দুয়োং, আর যে মরে পাধেয়্যে সেই বাবায়ো মঅ পক্ষে সাক্ষী দে।”

দ্বি’লম্বর বিররণ 4:12

সে সলাবোত্‌ আগুনো ভিদিরেত্তুন্‌ লগেপ্রভু তমা ইদু কধা কোইয়্যে। তুমি তা কধানি শুন্ন্য মাত্তর্‌ কনঅ চেঙারা ন-দেগঅ, বানা রঅবো শুন্ন্য।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ যোহন 5:9

আমি মান্‌জ্যর সাক্ষি লোই থেই, মাত্তর্ গোজেনর্ সাক্ষিগান তাত্তুন্-অ দাঙর্; আর তে তা পুয়োবো পৌইদ্যেনে সেই সাক্ষিগান দিয়্যে।