যোহন 5:36 - Chakma Bible

³⁶ মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 5:36 ပူးပေါင်းရင်းမြစ်များ

মথি লেখ্যে গম্ হবর্ 11:4

জোবত্ যীশু তারারে কলঅ, “তুমি যিয়েন্ শুন্ন্য আর দেখ্য সিয়েনি যেইনে যোহনরে কঅ।

লূকে লেখ্যে গম্ হবর্ 2:49

যীশু তারারে কলঅ, “তুমি কিত্তে মরে তোগেইয়ো? তুমি কি হবর্ ন-পহ্ যে, মঅ বাব ঘরত্ মত্তুন্ থাহ্ পুড়িবো?”

যোহন 10:25

যীশু জোবত্ কলঅ, “মুই দঅ তমারে কোইয়োং, মাত্তর্ তুমি বিশ্বেজ্ ন-গরঅ। মঅ বাব নাঙে মুই যেদক্কানি কাম্ গরং সিয়েনিয়ো মঅ পৌইদ্যেনে সাক্ষী দে।

যোহন 11:37

মাত্তর্ যিহূদীগুনোত্তুন্ কেঅ কেঅ কলাক্, “কানা মান্‌জ্য চোগ্ যিবে মেলি দে, তে কি এমন্‌ কিজু গুরি ন-পারিদো যেনে মানুচ্চো মুরি ন-যেদঅ?”

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 17:4

তুই যে কামানি মরে গুরিবাত্যে দুয়োচ্ সিয়েনি থুম্ গুরিনে এ জগদত্ মুই তর্ মহিমাগান্ ফগদাং গোজ্যং।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 5:32

অন্য একজন আঘে যিবে মঅ পৌইদ্যেনে সাক্ষ্য দের্, আর মুই কোই পারং মঅ পৌইদ্যেনে তে যে সাক্ষ্যগান্ দে সিয়েন্ সত্য।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

১ যোহন 5:9

আমি মান্‌জ্যর সাক্ষি লোই থেই, মাত্তর্ গোজেনর্ সাক্ষিগান তাত্তুন্-অ দাঙর্; আর তে তা পুয়োবো পৌইদ্যেনে সেই সাক্ষিগান দিয়্যে।