যোহন 5:35 - Chakma Bible

³⁵ যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।

যোহন 5:35 ပူးပေါင်းရင်းမြစ်များ

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

যাত্রা 34:35

মানুচ্চুনে দেগিদাক্‌, মোশির্‌ মুয়োন্‌ জোল্‌জোল্যে পহর্‌ ওই যেইয়্যে। মোশি আরঅ‌ তার্‌ মুয়োন্‌ নাঢি দিদো আর লগেপ্রভুর্‌ লগে কধা কবাত্তে ন যানা সং তার্‌ মুয়োন্‌ নাঢি রাগেদ।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

মথি লেখ্যে গম্ হবর্ 11:11

মুই তমারে ঘেচ্চেকগুরি কঙর্, মান্‌জ্য ভিদিরে বাপ্তিষ্মদিয়্যে যোহনত্তুন্ দাঙর্ আর কনজন নেই। মাত্তর্ স্বর্গ-রেজ্য ভিদিরে যে বেক্কুনোত্তুন্ চিগোন্ তেয়ো যোহনত্তুন্ দাঙর্।

মথি লেখ্যে গম্ হবর্ 21:26

মাত্তর্ যুনি কোই, ‘মান্‌জ্যত্তুন্,’ সালে মানুচ্চুনোত্তুন্ আমার দর্ আঘে কক্কে কি গরন্, কিত্তে যোহনরে বেক্কুনে ভাববাদী বিলি মনে গুরিদাক্।”

মার্ক 1:5

সেক্কে যিহূদিয়া রেজ্যত্ আর যিরূশালেম শঅরর্ বেক্কুনে নিগিলিনে যোহন ইধু এজা ধুরিলাক্। তারা যেক্কে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

মার্ক 6:20

মাত্তর্ হেরোদে যোহনরে দোরেদ বিলি তে সিয়েন গুরি ন-পারে। যোহনে যে এক্কো গোজেন্‌ভক্ত আর পবিত্র মানুচ্ হেরোদে সিয়েন হবর্ পেদঅ, সেনত্তে তে যোহনরে দযাত্তুন্ রোক্ষ্যে গুরিদো। যোহনর্ কধা শুনিবার সলাত্ মনত্ খুব দুঘ্ পেলেয়ো হেরোদে তা কধানি শুনিবাত্তে গম্ পেদঅ।

লূকে লেখ্যে গম্ হবর্ 7:28

মুই তমারে কঙর্, মান্‌জ্য ভিদিরেত্তুন্ কনজনে যোহনত্তুন্ দাঙর্ নয়; মাত্তর্ গোজেন রেজ্য ভিদিরেত্তুন্ বেগত্তুন্ যে চিগোন্ তেয়ো যোহনত্তুন্ দাঙর্।”

যোহন 6:66

যীশুর এ কধাগানত্যে শিচ্চ্যগুনোত্তুন্ ভালোক্‌জনে ফিরি গেলাক্ আর তা লগে আঢাউদো বন্ধ গুরি দিলাক্।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।