যোহন 5:34 - Chakma Bible

³⁴ খালিক্ মুই মান্‌জ্যর্ সাক্ষ্য উগুরে নির্ভর্ ন-গরং, মাত্তর্ যেন তুমি পাপত্তুন্ উদ্ধোর্ পঅ সেনত্তে এ বেক্‌ কধাগানি কঙর্।

যোহন 5:34 ပူးပေါင်းရင်းမြစ်များ

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 5:32

অন্য একজন আঘে যিবে মঅ পৌইদ্যেনে সাক্ষ্য দের্, আর মুই কোই পারং মঅ পৌইদ্যেনে তে যে সাক্ষ্যগান্ দে সিয়েন্ সত্য।

যোহন 5:41

“মুই মান্‌জ্যর্ বাঈনী পেবাত্তে চেট্ট্যা ন-গরং,

যোহন 8:54

জোবত্ যীশু কলঅ, “মুই যুনি নিজো বাঈনী নিজে গরং সালে সিয়েনর্ কন দাম্ নেই। মঅ বাবা, যিবেরে তুমি তমার্ গোজেন বিলিনে দাবী গরঅ তেয়ই মরে সর্মান দান্ গরে।

রোমীয় 10:1

ভেইলগ্, ইস্রায়েলীয়গুনোত্যে মঅ মনত্ অমকদ আওজ্ আর গোজেন ইধু মর্ তবনাগান ইয়েন, তারা যেন পাপত্তুন্ উদ্ধোর্ পান্।

রোমীয় 10:21

মাত্তর্ ইস্রায়েলীয়গুনো পৌইদ্যেনে তে কোইয়্যেদে, “অবাধ্য আর একবুচ্চ্যে মানুচ্চুনো ইন্দি মুই গোদা দিন্নো মঅ আঢ্‌‌‌তানি বাবেই রাগেয়োং।”

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

১ করিন্হীয় 9:22

যিগুনোর্ বিশ্বেজ্ কম্ তারা ইধু মুই সেবাবোত্যে মান্‌জ্য ধোক্ক্যেন ওইয়োং, যেন খ্রীষ্টত্যে তারারে পুরোপুরি গুরিনে জিদি পারং। আজল্ কধা, মুই বেক্কুনো ইধু বেক্কানি ওইয়োং যেন যে কনঅ বাবদে কিজু মন্‌জ্যরে উদ্ধোর্ গুরি পারং।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ যোহন 5:9

আমি মান্‌জ্যর সাক্ষি লোই থেই, মাত্তর্ গোজেনর্ সাক্ষিগান তাত্তুন্-অ দাঙর্; আর তে তা পুয়োবো পৌইদ্যেনে সেই সাক্ষিগান দিয়্যে।