যোহন 5:25 - Chakma Bible

²⁵ মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।

যোহন 5:25 ပူးပေါင်းရင်းမြစ်များ

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

লূকে লেখ্যে গম্ হবর্ 9:60

যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 4:21

যীশু তারে কলঅ, “শুন্, মঅ কধাগান্ বিশ্বেজ্ গর্, এমন্‌ সময় এজের্ যেক্কে বাবা গোজেনর্ উবোসনা তুমি এ মুড়োবোত্-অ ন-গুরিবা, যিরূশালেমত্-অ ন-গুরিবা।

যোহন 4:23

মাত্তর্ এমন্‌ সময় এজের্, এমন্‌ কি, ইক্কিনে সেই সময় এচ্চ্যে যেক্কে আজল্ উবোসনা গুরিয়্যেগুনে আত্মায় আর সত্যলোই বাবার্ উবোসনা গুরিবাক্। বাপ্পোয়ো এবাবোত্যে উবোসনা গুরিয়্যেগুনোরে তগায়।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

যোহন 5:28

এ কধাগান্ শুনিনে আমক্ ন-অবা, কিয়া এন্ অক্ত এজের্, যিগুনে গোরত্ আঘন্ সিগুনে বেক্কুনে মান্‌জ্যপুয়োবোর্ কধা রঅ শুনিনে নিগিলি এবাক্।

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

যোহন 9:27

জোবত্ মানুচ্চো তারারে কলঅ, “মুই দঅ আগেদি তমারে কোইয়োং, মাত্তর্ তুমি ন-শুনো। কিত্ত্যে সালে তুমি আরঅ শুনিবাত্তে চঅ? তুমিয়ো কি তার্ শিচ্চ্য অবাত্তে চঅ?”

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

ইফিষীয় 2:1

অবাধ্যত্যে আর পাপত্যে তুমি মরা এলা।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

ফগদাং পেইয়্যে 3:1

সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।