যোহন 5:21 - Chakma Bible

²¹ বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

যোহন 5:21 ပူးပေါင်းရင်းမြစ်များ

১ রাজাবলী 17:21

সে পরেন্দি তে তিনবার পূঅবো উগুরে লাম্বা ওই পড়িনে লগেপ্রভুরে ডাগিনে কলঅ, “ও লগেপ্রভু মর্‌ গোজেন, পূঅবোর্‌ পরাণান্‌ তা ভিদিরে ফিরি এজোক্‌।”

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”

যোহন 11:25

যীশু মার্থারে কলঅ, “মুয়ই পুনরুত্থান্ (জেই উত্তোং) আর জিংকানিগান্। যে মঅ উগুরে বিশ্বেজ্ গরে, তে মল্লেয়ো জেদা অবঅ।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

প্রেরিত্‌ 26:8

গোজেনে যে মরাগুনোরে জেদা গরে এ কধাগান্ বিশ্বেজ্ গরেদে ধোক্ক্যেন্ নয় বিলি তুমি কিত্তে মনে গরর্?

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

১ করিন্হীয় 15:45

পবিত্র বোইবোত্ এবাবোত্যে গুরি লেগা আঘে, “পত্তম মানুচ্‌ আদম জেদা প্রাণী অলঅ।” আর শেজ্ আদম জিংকানিদান গুরিয়্যে আত্মা অলঅ।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।